भांगरभूंय | प्रतिनिधी
नितीन नवीन हांचो अणभव पक्ष घटमूट करतलो : मुख्यमंत्री
पणजी : भारतीय जनता पक्षाचे राष्ट्रीय कार्यकारी अध्यक्ष नितीन नवीन हे बेगीनूच संघटणात्मक कार्याचो नियाळ घेवपा खातीर गोंयांक भेट दिवपाचे आसात. नवे अध्यक्ष सगल्या राज्यांची भोवंडी करपाचे आसात, अशी म्हायती गोपानी दिली. राष्ट्रीय अध्यक्ष नितीन नवीन हांची वाटचाल आनी अणभव हो पक्ष आनी देश घटमूट करपाक पूरक थारतलो, अशें मुख्यमंत्री डॉ. प्रमोद सावंत हांणी म्हणलें. नवी दिल्लीत राष्ट्रीय अध्यक्ष नितीन नवीन हांची भेट घेतल्या उपरांत तांणी हें वक्तव्य केलें.
मुख्यमंत्री डॉ. प्रमोद सावंत आनी प्रदेश भाजप अध्यक्ष नितीन नवीन हांणी नवी दिल्लीक भाजपाचे राष्ट्रीय कार्यकारी अध्यक्ष नितीन नवीन हांची भेट घेवन तांकां परबीं भेटयलीं. नितीन नवीन हे कार्यकारी अध्यक्ष जाले उपरांत मुख्यमंत्र्यांनी पयलेच खेपो तांची भेट घेतल्या. ह्या वेळार आदले आमदार सिद्धार्थ कुंकळ्येंकार, आदले खासदार ऍड. नरेंद्र सावयकार आनी सर्वानंद भगत हाजीर आशिल्ले.
नितीन नवीन हांचे कडेन संघटणात्मक कार्याविशीं चर्चा जाली. ते पुराय देशाची भोंवडी करपाचे आसात. बेगीनूच ते गोंयांक येवन संघटणात्मक कार्याची म्हायती घेतले, अशें आदले आमदार सिद्धार्थ कुंकळ्येंकार हांणी सांगलें.
मुख्यमंत्री डॉ. प्रमोद सावंत आनी प्रदेश भाजप अध्यक्ष दामू नायक हे दिल्लींत कामा निमतान हेर फुडार्यांक वचून मेळटले. हेर सगळे जाण नितीन नवीन हांची भेट घेवन सांजवेळा मेरेन गोंयांंत पावतले, अशी म्हायती सिद्धार्थ कुंकळ्येंकार हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
