भांगरभूंय | प्रतिनिधी
पेडणेंः तेंमवाडो मोरजी दर्यादेगेवेल्या वाठारांत 26 तारखेर रातच्या 9:30 वरांचेर कांसयांनी 99 तांतयां घालीं. तीं तांतयां रानां खात्याच्या कर्मचाऱ्यांनी सुरक्षीत सुवातेर दवरल्यात. सद्या दर्याचें उदक खूब वाडत आशिल्ल्यान कांसवाच्या तांतयां खातीर आरक्षीत केल्ले सुवाते मेरेन भरती येतकच दर्याचें उदक पावता देखून ही सुवात तांतयां खातीर असुरक्षित मानतात. देखून रानां खात्यान परतून विचार करून दुसरी सुवात वेंचची. नाजाल्यार भरती येतकच दर्याचें उदक वाडूंक शकता आनी तांतयां सुरक्षीत दवरपाची सुवात धोक्यांत पडूं येता.
तेंमवाडो दर्यादेगेवेल्या वाठारांत 1997 वर्सा सावन दर्यांतले कांसव संवर्धन मोहीम सुरू आसा. फाटल्या वर्सा सगळ्यांत चड 206 दर्यांतल्या कांसवांनी तांतयां घालीं. अंदूंच्या हंगामांत पयलेच खेप दिशिल्ल्या ह्या बिळांत 99 तांतयां आसात. ह्या तांतयांतल्यान सैमीक प्रक्रियेप्रमाण 50 ते 52 दिसांनी पिलां भायर सरतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
