भांगरभूंय | प्रतिनिधी
पणजी: बार्देस म्हालांतले शाळेंत हाड- व्हर करपी एका खासगी वाहन चालकान ६ वर्सां पिरायेचे चलयेचेर लैंगीक अत्याचार केल्ल्याचो प्रकार मुखार आयला. हिंदु जनजागृती समितीचे ‘रणरागिणी’ शाखेन हे घडणुकेचो खर शब्दांनी निशेध केला. ह्या प्रकरणांत सरकारान खर ख्यास्त करची. तशेंच सरकारान पिडेस्त कुटुंबियांक योग्य न्याय मेळोवन दिवचो, अशी मागणी ‘रणरागिणी’ची राजश्री गडेकार हांणी केल्या.
राजश्री गडेकार हांणी मुखार म्हणलें, हे घडणुकेक लागून शाळेंत धाडपी भुरगीं आयज सुरक्षीत आसात काय? असो प्रस्न निर्माण जाला. लैंगीक अत्याचाराच्या प्रकरणां संबंदी ‘रणरागिणी’न जायते फावटीं सरकार दरबारांत आवाज काडला, मात ह्या प्रकरणाचें मुखार कितें जाता हे विशीं प्रस्न निर्माण जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
