भांगरभूंय | प्रतिनिधी
पणजी: करंझाळे वाठारांतल्यान दुचाकी चोरिल्ल्या प्रकरणांत पणजी पुलिसांनी ताळगांवच्या दोगा तरणाट्यांक अटक केली. जेडन डिसोझा (१९) आनी गौरक्ष गांवस (१९) अशीं तांचीं नांवां. तांचे कडल्यान ३० हजार रुपयांची काळ्या रंगाची मोटारसायकल जप्त केल्या.
मेळिल्ले चड म्हायती प्रमाण, करंझाळे वाठारांतल्यान एका दुचाकीची चोरी जाल्ल्याची कागाळ पणजी पुलीस स्टेशनांत दाखल जाल्ली. तिची दखल घेवन पुलिसांनी तपास सुरू केलो. गुपीत म्हायतीच्या आदारार ताळगांवच्या ह्या दोग दुबावितांक ताब्यांत घेतले. मुळावे चवकशे उपरांत ह्या गुन्यांवांत ते आशिल्ल्याचें स्पश्ट जाले उपरांत पुलिसांनी त्या दोगांकूय अटक केली. दुबावितांची खोलायेन चवकशी चलता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
