भांगरभूंय | प्रतिनिधी
पणजी : हडफडेंच्या बर्च बाय रोमीयो क्लब उजो घडणूक प्रकरणांत गोंय पुलिसांनी अटक केल्ले सौरभ आनी गौरव लुथरा ह्या दोगांकूय म्हापशेंच्या न्यायालयान अतिरिक्त ४ दिसांची पुलीस बंदखण आयकयली. ह्या प्रकरणांत आनीक एक दुबावीत अजय गुप्ता हाका ११ दिसांची न्यायालयीन बंदखण आयकयल्या.
बर्च बाय रोमीयो क्लबाक लागिल्ल्या उज्यांत २५ जाणांक मरण आयिल्लें. उपरांत सौरभ आनी गौरव लुथरा थायलंड हांगा पळून गेल्ले. उपरांत केंद्र सरकारान थायलंड देशा कडेन प्रक्रिया पुराय करून ह्या दोगांकूय इंटरपोलान दिल्लीक हाडले. उपरांत तांकां गोंय पुलिसांनी ताब्यांत घेवन अटक केली आनी पुलीस बंदखणींत दवरिल्ले. तांची पुलीस बंदखण सोंपले उपरांत सोमारा परत तांकां म्हापशें न्यायालयांत उबे केले तेन्ना, तांकां आनी ४ दिसांची पुलीस बंदखण आयकयली. ह्या प्रकरणांत गोंय पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
