भांगरभूंय | प्रतिनिधी
दिवचल: लाटंबार्से मतदारसंघांत भारतीय जनता पक्षाचे उमेदवार पद्माकर मळीक हांणी अपक्ष उमेदवार मेघश्याम राऊत हांकां ८९४ मतांनी हारोवन जैत मेळयलें. भाजपाचे पद्माकर मळीक हांकां ६६९४, जाल्यार अपक्ष मेघश्याम राऊत हांकां ५८००, तशेंच अपक्ष कृष्णराव राणे हांकां ९६० मतां मेळ्ळीं.
जैता विशीं उलयतना पद्माकर मळीक हांणी सांगलें, भाजप सरकाराची पुराय साथ, डॉ. चंद्रकांत शेट्ये हांचें सहकार्य आनी सगल्या कार्यकर्त्यांचें फाटबळ, मुख्यमंत्र्यांनी नियोजीत केल्ल्या येवजण्यांक लागून, जनतेन तेंको दिल्ल्यान हें जैत आपल्याक फावो जालें. उदरगती खातीर मुख्यमंत्री आनी आमदारांचे सहकार्यान जनतेचे प्रस्न सोडयतलों अशें तांणी सांगलें.
आमदार शेट्ये हांणी हें येस मेळोवपाक सहकार्य केलें त्या सगल्या मतदार, कार्यकर्ते, बरें मागप्यांचे उपकार मानले. जैता उपरांत कार्यकर्त्यांनी पद्माकर मळीक तशेंच आमदार डॉक्टर चंद्रकांत शेट्ये हांकां परबीं भेटयलीं आनी जैत मनयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
