भांगरभूंय | प्रतिनिधी
पणजी: शेनवारा २० डिसेंबराक जिल्लो पंचायत वेंचणुकेचे मतदान जालें. आयज निकाल लागला. कांय वाठारांनी जैतिवंत उमेदवारांचीं नांवां जाहीर जाल्यात. जाल्यार कांय वाठारांतले उमेदवार निकालाची वाट पळयतात. अंदूं गोंयांत जिल्लो पंचायत वेंचणुके खातीर रिकॉर्ड ब्रेकींग ७०.८१ टक्के मतदान जाल्लें. आयज सकाळ सावन मत मेजणीक सुरवात जाल्या. सांजजाता म्हणसर सगल्या जैतिवंत उमेदवारांचीं नांवां जाहीर जातलीं. आतां मेरेन हे वेंचणुकेंत जैतिवंत थारिल्ल्या उमेदवरांच्या नांवांचेर एक नदर घालुया.
जैतिवंत उमेदवार
दवर्ली मतदारसंघांत कॉंग्रेसीचे उमेदवार फ्लोरियानो फर्नांडीस हांकां जैत.
लाटंबार्से मतदारसंघांत भाजपाचे उमेदवार पद्माकर मळीक ८९३ मतांनी जिखले.
होंडा मतदारसंघांत भाजपाचे उमेदवार नामदेव च्यारी ११,७५१ मतांनी जिखले.
कळंगूटे मतदारसंघांत भाजपाची उमेदवार फ्रान्झेला रॉड्रीगीश जैतिवंत
शिवोले मतदारसंघांत महेश्वर गोवेकार ह्या भाजपा उमेदवारांक जैत.
उसगांव-गांजे मतदारसंघांत भाजपाची उमेदवार समिक्षा नायक हांकां जैत.
राय मतदारसंघांत गोवा फॉरवर्ड पक्षाची उमेदवार इनासिना पिंटो हांकां जैत.
सांताक्रुज मतदारसंघांत आरजीपीची उमेदवार एस्पेरन्सा ब्रागांझा जैतिवंत.
हरमल मतदारसंघांत अपक्ष उमेवार राधिका उदय पालयेकार जिखली.
शेल्डें मतदारसंघांत भाजपाचे उमेदवार सिद्धार्थ गावस देसाय हांकां जैत.
कवळें मतदारसंघांत मगोचे गणपत नायक हांकां जैत.
खोला मतदारसंघांत कॉंग्रेसीची उमेदवार सुमित्रा पागी हांकां ४८ मतांनी जैत. फेर मत मेजणी करपाची भाजपाची मागणी.
सांखवाळ मतदारसंघांत भाजपाचे सुनील गांवस हांकां जैत.
केरी मतदारसंघांत भाजपाचे उमेदवार निलेश परवार हांकां जैत.
गिर्दोली मतदारसंघांत कॉंग्रेसीचे उमेदवार संजय वेळीप हांकां जैत.
ताळगांव जिल्हो पंचायत मतदारसंघांत भाजपाचे उमेदवार रघुवीर कुंकळेंकार हांकां जैत.
सांवड्डें मतदारसंघांत भाजपाचे उमेदवार मोहन गांवकार हांकां जैत.
सुकूर मतदारसंघांत भाजपाचे अमित अस्नोडकार हांकां जैत.
कोलवाळ मतदारसंघांत कविता कांदोळकार (अपक्ष) हांकां जैत.
बेतकी-खांडोळा मतदारसंघांत अपक्ष उमेदवार सुनिल जल्मी जैतिवंत.
कारापूर-सर्वण मतदारसंघांत भाजपाचे महेश सावंत हांकां जैत.
नगरगांव जिल्हो पंचायत मतदारसंघांत भाजपाचे प्रेमनाथ दळवी जिखले.
नुवें मतदारसंघांत कॉंग्रेसीचे अँथनी ब्रागांझा जैतिवंत.
रिवण मतदारसंघांत भाजपाची उमेदवार राजश्री गांवकार हांकां जैत.
मोरजी मतदारसंघांत मगोची उमेदवार तारा हडफडकार हांकां जैत.
कुठ्ठाळे मतदारसंघांत अपक्ष उमेदवार मर्सियाना वाझ जैतिवंत.
बोरी मतदारसंघांत भाजपाची उमेदवार पूनम सावंत हांकां जैत.
कुडतरी मतदारसंघांत काँग्रेसीची उमेदवार एस्ट्रा दा सिल्वा हांकां जैत.
नावेले मतदारसंघांत काँग्रेस उमेदवार मालिफा कार्डोझ हांकां जैत.
रेईश-मागूश मतदारसंघांत भाजपाची उमेदवार रेश्मा बांदोडकार हांकां जैत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
