भांगरभूंय | प्रतिनिधी
भांगरभूंय । प्रतिनिधी
दिवचलः खोलपेवाडी- साळ हांगच्या छत्रपती शिवाजी खेळ आनी सांस्कृती मंडळा वतीन राखी पुनव व्हडा उमेदीन मनयली. दोडामार्ग पुलीस स्टेशनांत वचून मंडळाच्या बायल वांगड्यांनी पुलिलांक आनी हेरांक राखी बांदल्यो. गोंयच्या दोडामार्गा आशिल्ल्या राना विभागा वतीनूय राखी बांदल्यो.
ह्या वेळार सायली, अर्पिता, अलिषा, निसशा, अंजली, सेजर आनी मंडळाचो अध्यक्ष रामदास विजय सावळ, संतोष झोरे, सचीव रामा भिवा हाजीर आशिल्ले. दोनशें परस चड राखी शिवाजी मंडळाच्या चलयांनी तयार केल्लो. 50 राखी राष्ट्रपती पुलीस पदक जैतिवंत महेश आडेलकार हांच्या कडल्यान सैनिकां खातीर पोस्टान धाडल्यात.
मंडळाचो अध्यक्ष रामदास वरात हांणी सगल्यांचे उपकार मानले, कार्यावळीक विजय सावळ, संतोष झोरे, मंदार पाटील, विनायक तिवरेकार, सायली सिंतिया, अर्पिता वैशाली, वैभवी आचल, अलिषा, निशा, आनी महादेव, गौरांगहे वांगडी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
