भांगरभूंय | प्रतिनिधी
दिवचल: शिरोडवाडी-मुळगांवां दिवचले हमरस्त्यावेल्यान दुचाकीन वतना रस्तो हुपपाच्या नादान बिबट्यान दुचाकीचेर उडी मारिल्ल्यान दिगंबर नायक हो दुचाकी चालक जखमी जालो. तशेंच ताचे दुचाकीचें लुकसाण जालें. रातच्या सुमार आठ वरांचेर ही घडणूक घडली.
बिबट्याच्या हल्ल्यांत दिगंबर नायक (मुळगांव) हांच्या हाताक आनी पांयांक जखमो जाल्यो. जखमीचेर दिवचल भलायकी केंद्रांत मुळावे उपचार करून घरांत धाडलो.
आठ दिसां आदीं पांजरो लायला
मजगतीं, मुळगांव वाठारांत बिबट्याचो वावर सेगीत वाडिल्ल्यान कांय दिसां आदीं हे सुवातेर पांजरो लायला. मात बिबट्याचो वावर लोकवस्तींत चालूच आशिल्ल्यान शेनवारा रातीं बिबटो हम रस्तो हुपतना दुचाकीक धपको दिल्ल्यान एकलो जखमी जालो. हांगा सेगीत वावर करपी बिबट्याक लागून ह्या वाठारांत भंय पातळ्ळा.
मुळगांवां बिबट्याचो वावर वाडिल्ल्यान कांय दिसां आदीं मुळगांवां रान विभागान पांजरो लायिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
