भांगरभूंय | प्रतिनिधी
भांगरभूंय । प्रतिनिधी
दिवचलः विद्यावर्धक मंडल संचलीत नूतन वाचनालयांत राष्ट्रीय ग्रंथपाल दीस मनयलो. शिशुवाटिका सभाघरांत आयोजीत केल्ले कार्यावळींत ज्येश्ठ शिक्षिका निर्मला द्रवीड, विद्यावर्धक मंडळाचो अध्यक्ष विजय सरदेसाय, अरूण साळकार, राजेश धोंड, मोरेश्वर जोशी, विद्या गणपुले, अर्जुन साळगांवकार हाजीर आशिल्ले.
कार्यावळींत विजय सावंत, सुनिधी परब, बाल वाचक वैष्णवी पाटील ह्या नेमान वाचनालयांत येवपी वाचकांचो भोवमान केलो. दबीड हिणे रंगनाथन हांच्या पांच सिद्धांतांची म्हायती दितना वाचनाक लागून भुरग्यांगी बौद्धिक प्रगती जाता. ताका लागून तांका वाचनाची संवकळ लावची अशें आवाहन पालकांक केलें.
ह्या वेळार घेतिल्ले बडबड गीत सर्तींत तपस्या गोवेकार, पियुष पंडित, समृद्दी वायंगणकार हाणी पयलीं तीन इनामां आनी मिताली तेली, अवधा गावडे, मंथन पाटणकार हांणी उमेद वाडोवपी इनामां मेळयलीं. मनाचो श्लोक सर्तींत मोरया पेडणेकार, उर्वी आठलेकार, कृष्णा आनी नरेश गांवकार, सई होबळे, आयुषी सावंत हांणी इनामां मेळयलीं. अनुलेखन सर्तींत स्वरा वझे, प्रियाश शिरवाडकार, पूर्वा बांदेकार, पूर्वा नायक, सुयश मांद्रेकार, मारूती स्तोत्र सर्तींत विवान वायंगणकार, कनिष्का वायंगणकार, आराध्या भिडे, कवीश तेली, अभिनव भिडे हांका मानेस्ताचें हस्तुकीं इनामां भेटयलीं. डॉ मोरेश्वर जोशीन येवकार दिलो, पुष्पा सरदेसाय हांणी सूत्रसंचालन केलें, अर्जुन माळगांवकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
