भांगरभूंय | प्रतिनिधी
भांगरभूंय । प्रतिनिधी
पणजीः जिल्हो पंचायतींच्या वेंचणुके खातीर राज्यांतल्या पंचायत वाठारांनी शेनवारा सकाळीं 8 वरांचेर मतदानाक सुरवात जाली. मतदानाचे सुरवेकच लोकांचो प्रतिसाद खूब उणो आशिल्लो. दनपरां 2 मेरेन फकत 48.78 टक्के मतदानाची नोंद जाली. सगळ्या वाठारांनी आतां मेरेन मतदानाची प्रक्रिया शांतीकायेन आनी सुरळीत चालू आसा.
राज्यांतल्या 50 झेडपी मतदारसंघात 1284 पोलिंग बुथांनी मतदानाक सुरवात जाल्या. 12 वरां मेरेन 8,68,637 मतदारा मदल्या 4,23,896 मतदारांनी मतदानाचो हक्क बजावन 48.78 टक्के मतदानाची नोंद जाली. हातूंत 2,07,399 दादले मतदार जाल्यार 2,16,848 बायलां मतदारांचो आस्पाव आसा. जाल्यार 2 तृतीय पंथी मतदारांचो आस्पाव आसा.
उत्तर गोंयच्या 25 मतदारसंघानी 50.06 टक्के जाल्यार दक्षीण गोंयच्या 25 मतदारसंघानी 48.76 टक्के मतदान जाले. पाळी मतदारसंघात सगल्यांत चड 66.49 टक्के. जाल्यार कुठ्ठाळी मतदारसंघांत सगल्यांत उणे 37.65 टक्के मतदान जाले.
उत्तर गोंयच्या हरमल मतदारसंघात 55.65 टक्के मतदान जालें, मोरजी 49.23 टक्के, धारगळ 51.53 टक्के, तोरशे 52.78 टक्के, शिवोली 46.29 टक्के, कोलवाळ 51.16 टक्के, हळदोणे 45.34, शिरसय 45.02 टक्के, हणजूण 48.61 टक्के, कळंगुट 45.46 टक्के, सुकूर 43.61 टक्के, रेईश मागूश 43.20 टक्के, पेन्ह द फ्रान्स 45.25 टक्के, सांताक्रुझ 43.67 टक्के, ताळगांव 38.50 टक्के, चिंबल 42.14 टक्के, खोर्ली 46.41 टक्के, सेंट लोरेन्स 43.33 टक्के, लांटबार्से 61.16 टक्के, कारापूर-सर्वण 54.57 टक्के, मयें 54.99 टक्के, पाळी 66.90 टक्के, होंडा 62.36 टक्के, केरी 66.49 टक्के आनी नगरगांव 63.83 टक्के मतदान जाले.
जाल्यार दक्षीण गोंयच्या उसगांव-गांजे मतदारसंघात 56.60 टक्के, बेतकी खांडोळा 56.73 टक्के, कुर्टी 49.28 टक्के, वेळींग प्रियोळ 51.54 टक्के, कवळे 48.08 टक्के, बोरी 47.86 टक्के, शिरोडें 53.06 टक्के, राय 40.90 टक्के, नुवें 44.42 टक्के, कोलवा 41.05 टक्के, वेळ्ळी 39.98 टक्के, बाणावली 40.75 टक्के, दवर्ले 42.30 टक्के, गिरदोळी 50.50 टक्के, कुडतरी 41.64 टक्के, नावेली 38.47 टक्के, सावड्डें 54.15 टक्के, धारबांदोडें 51.49 टक्के, रिवण 58.78 टक्के, शेल्डे 50.69 टक्के, बार्से 55.79 टक्के, खोला 51.68 टक्के, पैंगीण 55.23 टक्के, साकवाळ 40.32 टक्के आनी कुठ्ठाळी 37.65 टक्के मतदान जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
