भांगरभूंय | प्रतिनिधी
पणजी : कोंकणी मळा वयले वावुरपी, शिक्षक उल्हास पै भाटीकार (भाटें, सादोळशें) आयज सकाळीं संवसाराक अंतरले. तांच्या पार्थिवाचेर दनपरां साडेतीनांक निमणे संस्कार जातले.
सादोळशेंचे शाळेत तांणी मुख्याध्यापक म्हूण बरींच वर्सां काम केलें. तांच्या हाता सकयल शिकिल्ले बरेच विद्यार्थी आयज बऱ्या पदाचेर काम करतात. विद्यार्थ्यांचा सर्वांगी विकासाचेर ते भर दिताले. सांस्कृतिक कार्यक्रम, व्याख्यान, सुत्रसंचालन अश्या मळाचेर ते कार्यरत आशिल्ले. तांणी केल्ल्या कोंकणीचे सेवे खातीर ह्या वर्साचो कोंकणी भाशा मंडळ सेवा पुरस्कार तांकां भेटयिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
