भांगरभूंय | प्रतिनिधी
भांगरभूंय । प्रतिनिधी
दिवचलः बाबा सावयकार सेवा प्रतिश्ठान संचलीत ज्येश्ठ नागरीक सेवा केंद्राच्या सेकंड इनींग वतीन गोयचो पयलो मुख्यमंत्री भाऊसायब बांदोडकार हांचे पुण्यतिथ नितमान तांकां आर्गां ओपलीं. मगो पक्षाचो कार्याध्यक्ष अॅड नारायण सावंत, जयश्री चव्हाण, केंद्राचो कार्यवाह देवू पळ, सूर्यकांत देसाय, व्यंकटेश नाटेकार हांणी बांदोडकार हांच्या फोट्याक फुलां हार घातले.
भाऊसाबयांचे दूरदृश्टींन गोयचे उदरगतीची ब्युनाद घातली अशें नारायण सावंत हांणी सांगलें. म. कृ. पाटली, राजाराम खोबरेकार, जयश्री चव्हाण, ज्येश्ठ नागरीक दिवचल तालुका मंचाचो अध्यक्ष कॅजिटन वाझ, सूर्यकांत देसाय हांणी ह्या वेळार आपले विचार मांडले.
अॅड डी जी पळ हांणी भाऊसायबाच्या वावराचो सविस्तर म्हायती दिली, देवू पळ हांणी सूत्रसंचालन केलें आनी व्यंकटेश नाटेकारान सगल्यांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
