भांगरभूंय | प्रतिनिधी
नितळ सर्वेक्षण अहवालांतल्यान म्हायती
पणजीः पणजी म्हानगरपालिका नितळसाणे बाबतींत देशांतल्या बारीक शारांचे वळेरेंत पयल्या नंबराचेर आसा. राज्यांतल्या शार वाठारांतल्या फकत पणजी शारांतूच १०० टक्के दारादारांनी वचून कोयर एकठांय जाता आनी ताचेर प्रक्रीया ही १०० टक्के जाता, अशी म्हायती शार उदरगत खात्याच्या नितळ सर्वेक्षण अहवालांतल्यान आयल्या.
नितळ सर्वेक्षण अहवालांत राज्यांतल्या १४ पालिकांचो नितळसाणेचो नियाळ घेवन तांचें रँकींग जारी केलां. नितळसाणे विशीं पणजी म्हानगरपालिका ही पयले वळेरेर आसा, सांखळे पालिक दुसरे वळेरेर जाल्यार मुरगांव पालिका तिसरे वळेरेर आसा. जाल्यार सांगें पालिका सगळ्यांत निमाणे वळेरेर आसा.
पणजे शारांत दारा दारांनी कोयर एकठांय करपाचो तशेंच ताचेर प्रक्रीया करपाचें प्रमाण १०० टक्के आसा. मात घरांतूच कोयराचें वर्गीकरण करप म्हळ्यार ओलो-सुको कोयर वेगळो करून दवरपाचें प्रमाण ९० टक्के आसा. कोयर मुक्त शार म्हूण पणजेक ७ स्टार रेटींग मेळ्ळां.
जाल्यार सांखळे पालिकेंत ७२ टक्के दारा दारांनी वचून कोयर एकठांय जाता जाल्यार कोयराचेर प्रक्रीया करपाचें प्रमाण ९८ टक्के आसा. मात फकत ६ टक्के घराबे ओलो आनी सुको कोयर वेगळो करून दवरतात. मुरगांव पालिका ४० टक्के दारादारांनी वचून कोयर एकठांय करतात मात ताचेर प्रक्रीया करपाचें प्रमाण फकत ५ टक्के आसा. २३ टक्के घराबे ओलो आनी सुको कोयर वेगळो करून दवरतात.
जाल्यार राज्यातले चवथे सुवातेर येवपी फोंडें पालिका ३० टक्के दारादारांनी वचून कोयर एकठांय करतात, मात ताचेर प्रक्रीया करपाचें प्रमाण १०० टक्के आसा. ११ टक्के घराबे ओलो आनी सुको कोयर वेगळो करून दवरतात. पांचवे सुवातेर येवपी मडगांव पालिका ५५ टक्के दारादारांनी वचून कोयर एकठांय करतात मात ताचेर प्रक्रीया करपाचें प्रमाण ३२ टक्के आसा. ३३ टक्के घराबे ओलो आनी सुको कोयर वेगळो करून दवरतात. सव्वे सुवातेर येवपी दिवचल पालिका ३७ टक्के दारादारांनी वचून कोयर एकठांय करतात. मात ताचेर प्रक्रीया करपाचें प्रमाण ६६ टक्के आसा. ३२ टक्के घराबे ओलो आनी सुको कोयर वेगळो करून दवरतात.
सातवे सुवातेर येवपी वाळपय पालिका ७० टक्के दारादारांनी वचून कोयर एकठांय करतात, मात ताचेर प्रक्रीया करपाचें प्रमाण ४४ टक्के आसा. ३३ टक्के घराबे ओलो आनी सुको कोयर वेगळो करून दवरतात. आठवे सुवातेर येवपी कुडचडें काकोडा पालिका ४१ टक्के दारादारांनी वचून कोयर एकठांय करतात, मात ताचेर प्रक्रीया करपाचें प्रमाण ० टक्के आसा. ४० टक्के घराबे ओलो आनी सुको कोयर वेगळो करून दवरतात.
णव्वे सुवातेर येवपी म्हापशें पालिका ५५ टक्के दारादारांनी वचून कोयर एकठांय करतात, मात ताचेर प्रक्रीया करपाचें प्रमाण ६८ टक्के आसा. ३४ टक्के घराबे ओलो आनी सुको कोयर वेगळो करून दवरतात.
धाव्वे सुवातेर येवपी केपें पालिका ५५ टक्के दारादारांनी वचून कोयर एकठांय करतात, मात ताचेर प्रक्रीया करपाचें प्रमाण ० टक्के आसा. ३२ टक्के घराबे ओलो आनी सुको कोयर वेगळो करून दवरतात.
अकरावे सुवातेर येवपी कुंकळ्ळें पालिका ३६ टक्के दारादारांनी वचून कोयर एकठांय करतात, मात ताचेर प्रक्रीया करपाचें प्रमाण ४४ टक्के आसा. ३६ टक्के घराबे ओलो आनी सुको कोयर वेगळो करून दवरतात.
बारावे सुवातेर येवपी पेडणें पालिका ५४ टक्के दारादारांनी वचून कोयर एकठांय करतात, मात ताचेर प्रक्रीया करपाचें प्रमाण ० टक्के आसा. ३२ टक्के घराबे ओलो आनी सुको कोयर वेगळो करून दवरतात.
तेरावे सुवातेर येवपी काणकोण पालिका ५० टक्के दारादारांनी वचून कोयर एकठांय करतात,मात ताचेर प्रक्रीया करपाचें प्रमाण ० टक्के आसा. ३९ टक्के घराबे ओलो आनी सुको कोयर वेगळो करून दवरतात.
निमणे सुवातेर येवपी सांगें पालिका ३९ टक्के दारादारांनी वचून कोयर एकठांय करतात, मात ताचेर प्रक्रीया करपाचें प्रमाण ० टक्के आसा. ३ टक्के घराबे ओलो आनी सुको कोयर वेगळो करून दवरतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
