भांगरभूंय | प्रतिनिधी
कोल्हापूर, खबरां संस्था: हातकणंगले म्हालांतल्या हुपरी – महावीर नगर वाठारांत सकाळीं घडिल्ले एके धक्को दिवपी घडणुकेक लागून पुराय वाठारांत भंय पातळ्ळा. पुतानूच आपल्या आवय-बापायचो खून करपाची घडणूक घडल्या. विजयमाला नारायण भोसले (७०) आनी नारायण गणपतराव भोसले (७८) अशें तांचें नांव. खून केले उपरांत पूत सुनील (४८) स्वताच पुलीस स्टेशनांत गेलो आनी ताणें गुन्यांवाची कबुली दिली. पुलिसांनी ताका ताब्यांत घेतला.
मुळाव्या तपासांत दुबावीत सुनीलान थंड तकलेन खून केल्ल्याचें मुखार आयलां. आवय विजयमाला हांच्या हाताची शीर कंवचे सारकिल्ल्या धार आशिल्ले वस्तून कापली. तोंडार कंवचेच्या कुडक्यान वार केले. बापूय नारायण भोसले हांचे तकलेर दांडो मारलो. ह्या हल्ल्यांत दोगांयकूय जाग्यारूच मरण आयलें. ह्या खुना फाटलें कारण आजूनय स्पश्ट जावंक ना. कुटुंबीक वाद, मानसीक ताण वा हेर खंयचे कारण आसा काय, हे विशीं पुलीस तपास करतात.
घडणुकेची म्हायती मेळटांच हुपरीचे पुलीस निरीक्षक एन. आर. चौखंडे हांचे सयत पुलिसांचो पंगड घडणुके सुवातेर पावलो. फॉरेन्सीक लॅबाचो पंगडानूय पुरावे एकठांय केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
