भांगरभूंय | प्रतिनिधी
अहमदाबाद, खबरां संस्था: गोंयच्यान हांगा येवपी इंडिगोच्या फ्लायट नंबर 6E 6208 क बॉम्बान उडोवपाची काल सांजवेळा धमकी मेळिल्ली. फ्लायट अहमदाबादाक पावले उपरांत फ्लायटांत एक टिश्यू पेपर मेळ्ळो. जातूंत हे फ्लायटींत बॉम्बान उडोवपाची धमकी दिवपी मॅसेज बरयिल्ली. हे विशीं एअरलायन्सान विमानतळ प्राधिकरणाक म्हायती दिले उपरांत, CISF आनी बॉम्ब शोधक पंगडान विमानांत तपासणी केली.
गोंयच्यान अहमदाबादाक येवपी हें विमान सांजेवेळार ७ वरांचेर अहमदाबाद विमानतळार पावलें. तातूंत १४० परस चड प्रवासी बशिल्ले. सगल्या प्रवाशांक भायर काडले. घडणुकेची म्हयती मेळटांच थळावे पुलीसूय विमानतळार पावले. विमानांत कसलीच दुबाव येवपा सारकें सामान सापडूंक ना. अहमदाबाद विमानतळाच्या म्हणयाऱ्यान सांगलें, मोपा विमानतळा वेल्यान अहमदाबादाक येवपी विमानांत सुरक्षा धोक्याची नोंद मेळिल्ली. विमानतळावेल्या कामकाजाचेर ताचो कसलोच परिणाम जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
