भांगरभूंय | प्रतिनिधी
हांगाच्या भौशीक गणेशोत्सव मंडळाच्या 29व्या उत्सवा निमतान आयज (ता. 14) सकाळीं 10.30 वरांचेर पेडणें तालुको मर्यादीत मॅराथॉन सर्त आयोजीत केल्या.
मॅराथॉनाची म्हायती हरमल गणेशोत्सव मंडळाचे अध्यक्ष दिगंबर कोरकणकार, खेळां समिती अध्यक्ष सुशांत नायक हांणी दिली. 18 वर्सां पिराये सकयल्या गटांत वळेरेन 2500 रुपया, 2000 रुपया, 1000 रुपया, 40 वर्सां पिराये सकयल्या गटांत वळेरेन 3000 रुपया, 2000 रुपया आनी 1000 रुपया, जाल्यार 40 वर्सां वयल्या गटांत वळेरेन 2500 रुपया, 1500 रुपया आनी 1000 रुपया इनाम दितले.
बायलांच्या गटांत 30 वर्सां पिराये सकयल्या गटांत वळेरेन 3000 रुपया आनी 1000 रुपया, जाल्यार 30 वर्सां पिराये वयल्या गटांत वळेरेन 1500 रुपया, 1000 रुपया इनाम दितले.
स्पर्धकांनी फोटो आशिल्लें वळखपत्र सादर करचें. अदीक म्हायती खातीर सुशांत हांचे कडेन संपर्क सादचो अशें आयोजकांनी कळयलां. इनाम भेटवण सुवाळो 21 ऑगस्टाक जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
