भांगरभूंय | प्रतिनिधी
पणजीः वेर्णा उद्देगीक वसणुकेंतल्या कावलां अड्ड्याक लागिल्ल्या उजो प्रकरणांत रिजायल मुस्तफा (केळशी, कुठ्ठाळी) हाका वेर्णा पुलिसांनी अटक केली. हातूंत सुमार 20.5 लाखांचें सुकसाण जालें. दुबावितान मुद्दाम उजो लायिल्ल्याची कागाळ आयले उपरांत ताका अटक केली.
हे संबंदी दवर्लीच्या शरीफ हसन हांणी केल्ले कागाळींत म्हणलां, 12 डिसेंबराक दनपरां 12 ते 1 वरां मजगतीं मुद्दाम कावलां अड्डयाक उजो लायिल्लो. तातूंत आपले आसिफ शेख, तीक शेख आनी सहिद निझामी सयत चार जाणांच्या कावलां अड्ड्याचें लुकसाण जाल्ल्याचो म्हणलां. उज्यांत आपले 50 हजारांचें हेर तिगांचे 20 लाखांचें लुकसाण जालां अशें सांगलां.
कागाळी उपरांत वेर्णा पुलिसांनी रिजायल मुस्तफा हाका अटक केल्या. वेर्णा पुलीस स्टेशनाचे उपनिरिक्षक रामचंद्र नायक हांच्या फुडारपणा खाला फुडलो तपास सुरु आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
