भांगरभूंय | प्रतिनिधी
म्हापशेंः हडफडेंच्या ‘बर्च बाय रोमिओ लेन’ क्लब उजो प्रकरणा उपरांत नेम मोडपी क्लबां आड गोंय सरकारान व्हड मोहीम सुरू केल्या. हातूंत वागातोरांतले ‘कॅफे Co2’ आनी ‘गोया’ अशे दोन नामनेचे नायट क्लब सील केल्यात.
शेनवारा, 13 डिसेंबराक वागातोरांतल्या ओझरान दोंगुल्लेचेर आशिल्ल्या ‘कॅफे CO2’ ह्या क्लबाचेर कारवाय केली. क्लबा कडेन उजो पालोवपा संबंदी ‘ना हरकत दाखलो’ आनी बांदकामाची ‘स्ट्रक्चरल स्टॅबिलिटी’ नाशिल्ल्यान वरिश्ठ नागरी सेवा अधिकारी कबीर शिरगांवकार हांच्या फुडारपणा खाला संयुक्त अंमलबजावणी समितीन ही कारवाय केली.
‘गोया’ क्लब सील
वागातोरांतलो नामनेचो ‘गोया’ नायट क्लब सील केलो. कुळ जमनीचेर क्लब बांदिल्ल्यान, तशेंच क्लबाच्या कांय म्हत्वाच्या परवान्यांनी चुकी आशिल्ल्यान ‘गोया’ क्लबाचेर कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
