भांगरभूंय | प्रतिनिधी
पणजी: ज्या कर थकबाकी धारकांनी सेटलमेंट येवजण २०२३ खातीर वेळार अर्ज करूंक ना वा अर्ज केल्लो पूण कसल्याय कारणा खातीर सेटलमेंट वरवीं कर, व्याज, दंड, हेर थकबाकीची गोंय वसुली कायदो २०२३ (GRATIPOS) खाला तांच्या थकबाकीविशीं निर्णय जावंक ना, अशा सगल्या कर थकबाकीधारक डीलर्स/व्यक्तींक आनीक एक निमाणी संद दिवपा खातीर वाणिज्य कर आयुक्त कार्यालयान एक वेपारी परिपत्रक जारी केलां, जातूंत वयल्या कायद्यांत सुदारणा करून नवीन कलम ८ अ चो आस्पाव केला.
GRATIPOS कायदो, २०२३ च्या नव्यान आस्पाव केल्ल्या कलम ८ अ प्रमाण डीलरान पयलीं ३१ डिसेंबर २०२५ दिसा वा ताचे पयलीं शंभर टक्के देय कर भरचो पडटलो आनी उपरांत व्याज, दंड आनी पुराय मुल्यांकन व्याज माफ करपाचो विनंती अर्ज ऑनलाइन फॉर्म IA त करचो पडटलो. GRATIPOS कायदो, २०२३ च्या कलम ८ अ अंतर्गत ऑनलाइन अर्ज भरपाचो विहित फॉर्म IA खात्याच्या वेबसायटीचेर आसा.
कलम ८ अ खाला पात्र जावपा खातीर मागणी/देय १००% कर भरपाची निमाणी तारीख ३१ डिसेंबर २०२५ आसा आनी फॉर्म IA त व्याज/दंड माफ करपा खातीर ऑनलायन अर्ज दाखल करपाची निमाणी तारीख ३१ मार्च २०२६ आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
