भांगरभूंय | प्रतिनिधी
कांय लोक आजूनय इमारतींत आडकून
जकार्ता, खबरां संस्था: जकार्तांत मंगळारा एके ७ माळयांचे इमारतीक उजो लागलो. आतां मेरेन हे घडणुकेंत २० लोकांक मरण आयलां. हातूंत ५ दादले आनी १५ बायलांचो आसपाव आसा. कांय जाणांक घुस्मटून मरण आयलें.
मिडिया रिपोर्ट प्रमाण, कांय लोक आजूनय इमारतींत आडकल्यात. तांकां भायर काडपाचें काम चलता. जे इमारतीक उजो लागलो तें टेरा ड्रोन इंडोनेशियाचें कार्यालय. ही कंपनी खाणकाम आनी शेती संबंदीत कामां खातीर ड्रोन सर्वेक्षण सेवा दिता.
तपास सुरू
उज्याची सुरवात इमारतीचे पयले माळेवेल्यान जाली. सुरवातेक कर्मचार्यांनी उजो पालोवपाचो यत्नूय केलो. मात तांकां ती नियंत्रणांत हाडपाक जमूंक ना. पुलिसांनी सांगलें, पयले माळयेर दवरिल्ल्या बॅटर्यांक उजो लागिल्लो. उपरांत उजो पातळत गेलो आनी सातवे माळये मेरेन पावलो.
सध्या पुराय इमारतीची तपासणी सुरू आसा. उजो पालोवपी दळाचो पंगड दरेके माळयेर वचून तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
