भांगरभूंय | प्रतिनिधी
मुंबय, खबरां संस्था: इंडिगो विमान कंपनीक सरकारान कंपनीक प्रवाशांचें सामान सोदून काडून फुडल्या ४८ वरां भितर पावोवपाचो निर्देश दिला. हाचे वांगडाच विमान कंपनीक पयशे परत करपाचो आदेश दिला आनी रद्द केल्ल्या वा कळाव जाल्ल्या विमानांची पुराय परताव्याची प्रक्रिया ७ डिसेंबराक रातच्या ८ वरां मेरेन पुराय करपाचो आदेश दिला. मजगतीं, शेनवारा ८०० परस चड विमान सेवा रद्द जाली.
इंडिगोन सांगलें, तांणी आपल्या ९५% मार्गांचेर जोडणी परतून मेळयल्या. विमान कंपनीन १३८ गंतव्यां मदल्या १३५ थळांचेर विमान सेवा चलयता असो दावो केला. लोकांचो विस्वास परत मेळोवपाक बरोच वेळ लागतलो अशें कंपनीन फुडें सांगलें. ह्या प्रकरणांत सरकारान शेनवारा कंपनीच्या सीईओक कारण दाखोवपाची नोटीस जारी करून २४ वरां भितर जाप मागली.
मजगतीं, सरकारान हेर विमान कंपन्यांच्या वाडट्या भाड्यांचेर बंदी घाली. केंद्रान सगल्या विमान कंपन्यां खातीर विमान भाडें थारायलां. आतां खंयच्याच विमान कंपनीक ५०० किमी अंतराचेर ७,५०० रुपया परस चड आनी ५००-१,००० किमी अंतराचेर १२ हजार रुपया परस चड शुल्क घेवंक मेळचें ना. चडांत चड भाडें १८ हजार रुपया थारायलां. पूण ही भाडें मर्यादा बिझनेस क्लासाक लागू जावची ना.
५-१५ डिसेंबर ह्या काळांत केल्ल्या बुकींगा खातीर इंडिगो पुराय रक्कम परत करतले
५-१५ डिसेंबर ह्या काळांत केल्ल्या बुकींगाची पुराय रक्कम परत करतले अशें इंडिगोन सांगलां. ह्या परताव्या खातीर कसलेच प्रस्न विचारचे नात अशें कंपनीन सांगलां. हे खातीर विमान कंपनीन गिरायकां कडेनय माफी मागली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
