हडफड्यां क्लबाक उजोः 25 जाणांक लासून मरण
भांगरभूंय | प्रतिनिधी
मरप्यां मदीं 14 कर्मचारी आनी 4 पर्यटक
पणजी ः हडपडेंच्या बर्च बाय रोमिओ लेन ह्या नामनेच्या क्लबाक शेनवारां रातीं उसरां देडाक सुमार उजो लागलो. हातूंत आतां मेरेन 25 जाणांक मरण आयलां. इतल्या जाणांक एकाचवेळार मरण येवपाचो हो गोंयच्या पर्यटन इतिहासांतलो हो पयलोच प्रसंग आसुये. प्रधानमंत्री नरेंद्र मोदी, मुख्यमंत्री डाॅ. प्रमोद सावंत आनी थळावे आमदार मायकल लोबो हांणी हे घडणुकेचेर दुख्ख उक्तायलां. सरकार मरण आयिल्ल्यांच्या घरच्यांक सगली मजत करतलें अशें मुख्यमंत्री सावंत हांणी म्हणलां. दोशींचेर कडक कारवाय करतले अशेंय तांणी सांगलें.
मरण आयिल्ल्यां मदीं 4 पर्यटक, 14 कामगार आसात. 7 जाणांनी वळख पटूंक ना. स जाण जखमी जाल्यात, अशी म्हायती पुलिसांनी दिल्या.
उज्याची खबर मेळटकच उजो पालोवपी दळ, पुलीस, थळावे नागरीक, थंय बेगोबेग पावलें. तांणी मजतकार्याक सुरवात केली. पुलीस महासंचालक आलोककुमारुय थंय पावले. आतां उजो पालयला. मात तातूंत पुराय क्लब लासलो. मरण आयिल्ल्यांच्यो कुडी वळखुपा पलतडीं आसात. मरण आयिल्ल्यां मदीं 3 बायलो आसात.
उजो नेमको कसो लागलो तें कळूंक ना. घडये शाॅर्ट सर्किट जाल्ल्यान हें जालां आसतलें, असो दुबाव आमदार लोबो हांणी उक्तायला. भितर मरण आयिल्ल्यां मदीं चडशे थंय काम करपी कामगार आसात. तशेंच कांय पर्यटकूय आसात. तांचीं नांवां अजून कळूंक नात. हे भिरांकूळ दुर्घटनेंत मरण आयिल्ले न्हिदिल्ले? कोण जखमी जाल्यात? नेमके कितले पर्यटक, कामगार भितर आशिल्ले? तें अजून स्पश्ट जावंक ना.
वायट दीस
हो गोंयकारां खातीर खूब वायट दीस. प्रधानमंत्री नरेंद्र मोदी हांणी फोन करून हे घडणुके विशीं म्हायती घेतली. जांकां मरण आयलां, तांच्या कुटुंबांक गोंय सरकार पुराय मजत करतलें, अशें मुख्यमंत्री डाॅ. प्रमोद सावंत हांणी सांगलें.
सुरक्षेचो प्रस्न
गोंय हें देशांतलें आघाडेचें पर्यटन थळ, हो पर्यटनाचो मोसम. राज्यांतले क्लब, पब आनी हेर आस्थापनां सुरक्षे विशीं कितें उपाय घेतात काय नात, हाची सरकारान चवकशी करपाक जाय. कारण हाचो पर्यटनाचेर परिणाम जावंक शकता, अशें कांय थळाव्या नागरिकांनी सांगलें.
वायट दीस
हो गोंयकारां खातीर खूब वायट दीस. प्रधानमंत्री नरेंद्र मोदी हांणी फोन करून हे घडणुके विशीं म्हायती घेतली. जांकां मरण आयलां, तांच्या कुटुंबांक गोंय सरकार पुराय मजत करतलें, अशें मुख्यमंत्री डाॅ. प्रमोद सावंत हांणी सांगलें.
सुरक्षेचो प्रस्न
गोंय हें देशांतलें आघाडेचें पर्यटन थळ, हो पर्यटनाचो मोसम. राज्यांतले क्लब, पब आनी हेर आस्थापनां सुरक्षे विशीं कितें उपाय घेतात काय नात, हाची सरकारान चवकशी करपाक जाय. कारण हाचो पर्यटनाचेर परिणाम जावंक शकता, अशें कांय थळाव्या नागरिकांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
