भांगरभूंय | प्रतिनिधी
पुणे, खबरां संस्थाः लोणावळ्या, महाराष्ट्रांत शेनवारा सकाळीं ट्रक आनी मोटारी मदीं भिरांकूळ अपघात जालो. ह्या अपघातांत गोंयच्या दोग तरणाट्यांक मरण आयलें. योगेश सुतार (21, म्हापशें) आनी मयूर वेंगुर्लेकार (24, म्हापशें) अशी तांची नांवा आसात.
मेळिल्ले म्हायती प्रमाण, गोंयांतल्यान आयिल्ली मोटार लायन्स पॉयंट लागसारच्या ओलतावयल्यान वता आसतना वेगान येवपी मिनी ट्रकाक मुखारच्यान धपको दिलो. हो धपको इतलो खर आशिल्लो मोटारीचो फुडलो भाग काबार जालो. आनी मोटारीतले दोगूय गाडये भितर आडकून पडले आनी गंभीर जखमी जाले.
अपघाता उपरांत थळावे कांय नागरिक थंय पावले. तांणी रोखडीच पुलिसांक हे घडणुकेची म्हायती दिली. आनी आडकून उरिल्ल्या दोगूय तरणाट्यांक भायर काडले. पूण तांकां मरण आयिल्लें. ह्या अपघातांत ट्रक ड्रायव्हर जखमी जालो. पुलिसांनी दिल्ले म्हायती प्रमाण, पोस्टमॉर्टम केले उपरांत दोगांयच्यो कूडी कुटुंबाच्या ताब्यांत दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
