कोंकण रेल्वे मार्गार नातालां निमतान विशेश गाडयो

भांगरभूंय | प्रतिनिधी

मडगांव: नाताल आनी नव्या वर्सा निमतान प्रवाशांची गर्दी उणी करपा खातीर कोंकण रेल्वे मार्गार सीएसएमटी मुंबय ते करमळी, एलटीटी ते थिरुवनंतपुरम, एलटीटी ते मंगळुरू जंक्शन आनी यशवंतपूर एक्स्प्रेस ह्यो विशेश गाडयो चलोवपाचो निर्णय घेतला.

रेल्वे कडल्यान मेळिल्ले म्हायती प्रमाण रेल्वे क्रमांक 01151 मुंबय सीएसएमटी – करमळी विशेश (सद्दां) गाडी 19 डिसेंबर 2025 ते 5 जानेवारी 2026 मेरेन सद्दां मुंबय सीएसएमटी सावन 00.20 वरांचेर सुट्टली आनी त्याच दिसा दनपारां 1.30 वरांचेर करमळे पावतली. रेल्वे क्रमांक 01152 करमळी ते सीएसएमटी विशेश गाडी 19 डिसेंबर 2025 ते 5 जानेवारी 2026 मेरेन सद्दां दनपारां 1.15 वरांचेर करमळी सावन सुट्टली. ही ट्रेन दुसरे दिसा फांतोडेर 3.45 वरांचेर मुंबय सीएसएमटीक पावतली. वट्ट 22 डब्यांची ही गाडी दादर, ठाणें, पनवेल, पेण, रोहा, खेड, चिपळूण, संगमेश्वर रोड, रत्नागिरी, कणकवली, कुडाळ आनी थिवी स्टेशनार रावतली.

रेल्वे क्रमांक 01171 लोकमान्य टिळक (टी) – थिरुवनंतपुरम उत्तर विशश (सप्तकी) ही गाडी बिरेस्तार 18, 25 डिसेंबर 2025, 1 आनी 8 जानेवारी 2026 दिसा लोकमान्य टिळक (टी) सावन दनपारां 4 वरांचेर सुट्टली आनी दुसरे दिसा रातीं 11.30 वरांचेर थिरुवनंतपुरम उत्तर हांगा पावतली.

रेल्वे क्रमांक 01172 थिरुवनंतपुरम उत्तर – लोकमान्य टिळक (टी) विशेश (सप्तकी) थिरुवनंतपुरम उत्तर सावन शेनवार, 20, 27 डिसेंबर 2025, 3 आनी 10 जानेवारी 2026 दिसा दनपारां 4.20 वरांचेर सुट्टली. ही ट्रेन तिसरे दिसा 1 वरांचेर लोकमान्य टिळक (टी) हांगा पावतली.

वट्ट 22 डब्यांची ही रेल्वे ठाणें, पनवेल, पेण, रोहा, खेड, चिपळूण, संगमेश्वर रोड, रत्नागिरी, कणकवली, सिंधुदुर्ग, कुडाळ, सावंतवाडी रोड, थिवी, करमळी, मडगांव, कारवार, गोकर्ण रोड, कुमठा, मुर्डेश्वर, भटकळ, मुकुंडुराबी रोड, मुकदुर्ग रोड, सुरथकल, मंगळुरु जं., कासरगोड, कन्नूर, कालीकत, तिरूर, शोरानूर जं., त्रिसूर, अलुवा, एर्नाकुलम टावन, कोट्टायम, चांगनासेरी, तिरुवल्ला, चेंगन्नूर, मावेलीकारा, कायनकुलम, करुणागपल्ली, सस्थानकोट्टा, कोल आनी वर्कला शिवगिरी ह्या स्टेशनांचेर रावतली.

रेल्वे क्रमांक 01185 लोकमान्य टिळक (टी) – मंगळुरू जंक्शन विशेश (सप्तकी) मंगळवार, 16, 23, 30 डिसेंबर 2025 आनी 6 जानेवारी 2026 दिसा लोकमान्य टिळक (टी) सावन दनपारां 4 वरांचेर सुट्टली आनी दुसरे दिसा सकाळीं 10.05 वरांचेर मंगळुरू जंक्शन हांगा पावतली. गाडी क्रमांक 01186 मंगळुरू जं. – लोकमान्य टिळक (टी) विशेश (सप्तकी) मंगळुरू जंक्शन सावन 17, 24, 31 डिसेंबर 2025 आनी 7 जानेवारी 2026 दिसा 13.00 वरांचेर सुट्टली आनी लोकमान्य टिळक (टी) हांगा दुसरे दिसा 6.50 वरांचेर पावतली.

वट्ट 22 डब्यांची ही गाडी ठाणें, पनवेल, पेण, रोहा, खेड, चिपळूण, संगमेश्वर रोड, रत्नागिरी, कणकवली, सिंधुदुर्ग, कुडाळ, सावंतवाडी रोड, थिवी, करमळी, मडगांव, कारवार, गोकर्ण रोड, कुमठा, मुर्डेश्वर, भटकळ, मुकुंदुराबी रोड, सुरतकल ह्या स्टेशनांचेर रावतली.

रेल्वे क्रमांक 06267 यशवंतपूर – कारवार एक्सप्रेस स्पेशल गाडी 24 आनी 27 डिसेंबर दिसा दनपारां 12 वरांचेर यशवंतपूर सावन सुट्टली आनी दुसरे दिसा सकाळीं 6.10 वरांचेर पावतली. रेल्वे क्रमांक 06268 कारवार – यशवंतपूर एक्सप्रेस विशेश ही गाडी 25 आनी 28 डिसेंबर दिसा कारवार सावन दनपारां 12 वरांचेर सुट्टली आनी दुसरे दिसा 4.30 वरांचेर यशवंतपूराक पावतली.

वट्ट 21 डब्यांची ही गाडी चिकबनावर, कुनीगल, चन्नरायपटना, हसन, सकलेशपूर, सुब्रह्मण्य रोड, काबाकापुत्तूर, बंटवाला, सुरथकल, मुलकी, उडुपी, बारकूर, कुंदापुरा, मुकाम्बिका रोड, भटकळ, मुर्डेश्वर, होन्नावर, कुमठा, गोकर्ण रोड आनी अंकोला स्टेशनार रावतली.