भांगरभूंय | प्रतिनिधी
माशेल: खांडोळा आयज जाल्ले सरपंच आनी उपसरपंच पदाचे वेंचणुकेंत सरपंच पदार दिलीप नायक ५ आड ४ मतांनी आनी उपसरपंच पदार श्रद्धा फडते ५ आड ४ मतांनी वेंचून आयलीं. जिल्लो पंचायत वेंचणूक तोंडार आसतना हो बरोच नेटाचो धपको सध्याच्या आमदाराक बसला.
आयज सकाळीं खांडोळा पंचायतींत जाल्ल्या सरपंच आनी उपसरपंच पदां खातीर दिलिप नायक हांणी आनी विशांत नायक हांणी तशेंच श्रद्धा फडते आनी संजीवनी तळेकार हांणी अर्ज भरिल्ले. दिलीप नायक हांकां सुचक मनोज गांवकार आनी आनी अनुमोदन उदय नायक हांणी केलें. विशांत नायक हांकां सुचक शेखर घाडी हांणी आनी अनुमोदन संजीवनी तळेकर हांणी केलें. श्रध्दा फडते हांकां सुचक दिलीप नायक आनी अनुमोदन निकिता फडते हांणी केलें. संजीवनी तळेकार हांकां सुचक विशांत नायक हांणी आनी अनुमोदन शेखर घाडी हांणी केलें.
ह्या वेळार जाल्ल्या मतदानांत सरपंच पदा खातीर दिलीप नायक हांकां ५ जाल्यार विशांत नायक हांकां ४ मते पडलीं. उपसरपंच पदा खातीर श्रध्दा फडते हांकां ५ मतां जाल्यार संजीवनी तळेकार हांकां ४ मतां मेळ्ळीं.
हे वेंचणुकेंत फोंडें गट विकास कार्यालयाचे यांनी निवडणूक निरीक्षक म्हणून बाबु नायक हांणी काम पळयलें. तांकां सचिव विनोद शेटकार हांणी मजत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
