भांगरभूंय | प्रतिनिधी
मुख्यमंंत्र्यांंनी फोडलो जिल्लो पंंचायत प्रचाराचो नाल्ल
पणजी : भारतीय जनता पक्षाच्या उमेदवारांंची दुसरी वळेरी आयज सांजवेळा मेरेन जाहीर करतले. ज्या मतदारसंंघांत उमेदवारी जाहीर जाल्या, त्या मतदारसंंघांत प्रचाराक सुरवात जाल्ल्याची म्हायती प्रदेश भाजप अध्यक्ष दामू नायक हांणी दिली.
उत्तर गोंय आनी दक्षिण गोंय मेळून भारतीय जनता पक्षान १९ उमेदवारांंची पयली वळेरी जाहीर केल्या. तीन मतदारसंंघ मगोक सोडपाचो निर्णय जाला. उरिल्ल्या मतदारसंंघांंचे उमेदवार आयज जाहीर करतले. दुसरे वळेरेंतले चडशे उमेदवार उमेदवार निश्चीत जाल्ल्यान कांय उमेदवारां विशीं चर्चा जातली आनी उपरांत वळेरी जाहीर करतले, अशें प्रदेश अध्यक्ष दामू नायक हांणी म्हणलें.
मजगतीं, आपल्याच पाळी मतदारसंंघांत न्हावेलेच्या लक्ष्मीनारायण देवस्थानाक नमस्कार करून कार्यकर्त्यां सयत मुख्यमंंत्री डॉ. प्रमोद सावंंत हांणी प्रचाराचो शुभारंंभ केलो. भाजपान पाळी मतदारसंंघांत सुंंदर नायक हांकां उमेदवारी दिली. पाळी मतदारसंंघा सयत दोनूय जिल्लो पंचायतींचेर भाजपचें जैत निश्चीत आसा, असो विस्वास मुख्यमंंत्री डॉ. प्रमोद सावंंत हांणी उक्तायलो.
दुसर्या दिसा एकूच उमेदवारी अर्ज
जिल्लो पंचायत वेंचणुके खातीर दुसर्या दिसा फकत एक उमेदवारी अर्ज दाखल जालो. वेळ्ळी मतदारसंंघांत अपक्ष उमेदवार जॉन बेडा पेद्रो पेरेरा हांणी उमेदवारी अर्ज सादर केले. पयल्या दिसा सोमारा एकूय अर्ज दाखल जावंक नाशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
