भांगरभूंय | प्रतिनिधी
पणजी : गोवा शिपयार्ड लिमिटेडान (जीएसएल) आयसीजीएस ‘अमूल्य’ गस्ती बोट भारतीय तटरक्षक दळा कडेन दिल्या. आत्मनिर्भर भारत उपक्रमां खाला भारतीय तटरक्षक दळा खातीर बांदपी आठ जलद गस्ती बोटींच्या (एफपीव्ही) मालकेची ही बोट तिसरी आसा.
बोट दिवपाची कार्यावळ गोवा शिपयार्डचे अध्यक्ष आनी वेवस्थापकीय संचालक ब्रजेश कुमार उपाध्याय, संचालक (ऑपरेशन्स) आरएडीएम नेल्सन डिसोझा (निवृत्त), संचालक (वित्त) जहांगीर आलम अन्सारी, डीआयजी व्ही. के. परमार आनी आयसीजीएस अमूल्यचे कमांडिंग ऑफिसर कमांडर (जेजी) अनुपम सिंग हांचे हाजेरींत जालो.
५१.४३ मीटर वजनाची ही बोट ८ मिटर रुंदीची आनी २.५ मीटरच्या ड्रॉटचेर ३३० टन विस्थापना सयत डिझायन केल्या. ही बोटी दोट्टी मरीन डिझेल इंजिनांनी सज्ज आसा. जातूंत नियंत्रणीय पिच प्रोपेलर आसा. एफपीव्ही वर्गांतली पयली बोट जी उच्च कार्यक्षमताय दिता. ही बोट २७ नॉट्स परस चड वेग मेळोवपाक शकता.
ताची सोसपाची शक्त १,५०० नॉटिकल मैल आसा. बर्याच काळाच्या ऑपरेशन्सांक समर्थन दिवपा खातीर ते एकात्मीक यंत्रसामग्री नियंत्रण प्रणालीनय सज्ज आसा. हे बोटीची स अधिकारी आनी ३५ क्रू खलाशी बसपाची तांक आसा नुस्तें वेवसाय संरक्षण, विशेश अर्थीक वाठार देखरेख, दर्यादेग गस्त, तस्करी विरोधी, चाचेगिरी विरोधी आनी सोद आनी बचाव कार्यां खातीर बांदिल्लें, आयसीजीएस ‘अमूल्य’ दर्यादेग आनी दर्यादेगे वयली सुरक्षा वाडटली अशी अपेक्षा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
