भांगरभूंय | प्रतिनिधी
भांगरभूंय । खबरां मेज
पणजी : म्हापशेंच्या बार्देस कोंकणी अस्मिताय केंद्रान आनी पर्वरेच्या सृजन विश्व प्रकाशनान जोडपालवान सर्गेस्त कवी प्रकाश पाडगांवकार हांच्या 77 व्या जयंती निमतान अखील गोंय म्हाविद्यालयीन कोंकणी कविता सादरीकरण सर्त, कवी पाडगांवकार हांचे वेबसायटीचें अनावरण आनी बार्देश कोंकणी कॅलेंडराचें विमोचन जातलें. तशेंच कवी पाडगांवकार हांच्या उजवाडाचीं पावलां आनी हांव मनीस अश्वत्थामो पुस्तकांचे दुसरे आवृत्तीचें लोकार्पण जातलें.
ही कार्यावळ बुधवार 3 डिसेंबराक सांजेच्या 4:30 वरांचेर कांपाल पणजेच्या हॉटेल विवांतांत जातली. मुखेल सोयरे म्हूण गोंय विद्यापीठाचे कोंकणी अध्ययन शाखेचे सहयोगी प्राध्यापक डॉ. हनुमंत चोपडेकार हाजीर आसतले. अध्यक्ष स्थानाचेर लेखक, भाशांतरकार, समुपदेशक स्नेहलता भाटीकार आसतली.
सगल्यांनी हे कार्यावळीक हाजीर रावचें, असो उलो अनघा कामत (अध्यक्ष), सुचेता पै (सचीव) आनी संयोजक- अपर्णा गारुडी, नूतन साखरदांडे हांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
