भांगरभूंय | प्रतिनिधी
पणजीः इफ्फींतल्या रोमटामेळ सर्तीचो निकाल जाहीर जालो. हातूंत फोंडेंच्या सुयोग शिमगोत्सव मंडळ, आडपय, आगापुर पंगडाक 3,00,00 लाख रुपयांचें पयलें इनाम फावो जालें. श्री शांतादुर्गा बाब्रेश्वर युवक संघ, कळंगुट हांकां 2,50,000 रुपयांचें दुसरें जाल्यार श्री पाईकदेव शिमगोत्सव समिती, सांगें हांकां 2,00,000 लाख रुपयांचें तिसरें इनाम फावो जालें. ही सर्त 21, 25 आनी 26 नोंव्हेंबराक जाल्ली.
तशेंच ह्या सर्तींतले चवथें 1,75,000 रुपयांचें इनाम श्री मंडलेश्र्वर माणागुरु शिगमोत्सव मंडळ, शिरोडें, फोंडें जास्यार. 1,50,000 रुपयांचें पाचवें इनाम श्री शांतादुर्गा बोडगेश्र्वर शिगमोत्सव समिती, बार्देश हांकां फावो जालें.
अंदूं छाप्पणव्या आंतरराष्ट्रीय चित्रपट महोत्सवाचें उक्तावण वेगळे तरेन जालें. शिगमो आनी कार्निवलाची झलक प्रदर्शीत करुन पोरणें सचिवालय ते मनोरंजन संस्थेच्या इमारती मेरेन चित्ररथ मिरवणूक जाली. कांय पंगडानी गोंयची संस्कृती आनी वेगवेगळ्या कलेचें सादरीकरण केलें.
स्वर साई शिगमोत्सव मंडळ- म्हापशें, अवेडेकर समाज अवेडे- बोरी, चंद्रेश्र्वर भूतनाथ शिगमोत्सव मंडळ, केपें आनी डोंगरी शिगमोत्सव समिती हांकां दरेकी 1,00,00 रुपयांचें उमेद वाडोवपी इनाम फावो जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
