भांगरभूंय | प्रतिनिधी
पैंगिणी: श्रीसंस्थान गोकर्ण पर्तगाळी जीवोत्तम मठाची ५५० वर्सां पुराय जाल्ल्या निमतान सुरू आशिल्ली श्रीराम दिग्विजय रथ यात्रा (१८ ऑक्टोबराक सुरू जाल्ली) आयज २६ नोव्हेंबराक निमाण्या टप्प्यांत आसा. बुधवारा ही पालखी रथ यात्रेचे मोर्खड, काणकोणां दनपरां पावली आनी शेकड्यांनी भाविकांनी व्हडा भक्तीभावान पालखेक येवकार दिलो. आयज सांजेवेळार रथयात्रेची पर्तगाळ मठांत सांगता जातली.
शिरिष पै, राजू केंकरे, गोविंद शेणवी, वैभव शेणवी, रमाकांत प्रभुगांवकार, वंदना प्रभुगांवकार, विवेक शानभाग, प्रसाद प्रभू, राजेंद्र तशेंच हेरांच्या मार्गदर्शना खाला मोर्खड पावली.
मोखर्ड-काणकोणच्या श्री अश्वत्थ नारायण देवळांत पालखेक नेटान येवकार दिलो. दनपरां हे सुवातेर रावन, सांजेवेळार ६ वरांचेर पालखी मठांत पावतली. थंय परम् पूज्य श्रीमद् विद्याधीश तीर्थ श्रीपाद वडेर स्वामीजी पालखेक येवकार दितले. उपरांत हे राम द्विग्विजय यात्रेची सांगता जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
