भांगरभूंय | प्रतिनिधी
फोंडें: धड्यार, धारबांदोड्यां इश्टां वांगडा न्हंयेचेर न्हांवपा खातीर गेल्लो एक १५ वर्सां पिरायेचो भुरगो बुडलो. आनीक एकल्याक बुडतना ताच्या वांगडा आशिल्ल्या इश्टांनी वाटयलो. बुडिल्लो विद्यार्थी थळावो आशिल्ल्यान ताचो सध्या सोद घेवप चालू आसा.
हे विशीं चड म्हायती प्रमाण, पांच विद्यार्थी क्रिकेटची प्रॅक्टीस सोडून धड्यार न्हंयेंत न्हांवपा खातीर गेल्ले. न्हांवपा खातीर न्हंयेंत देंवले तेन्ना तातुंतले दोग विद्यार्थी उदकांत बुडपाक लागले. प्रसंग वळखून वांगड्या आशिल्ल्या इश्टांनी एकल्याक वाटयलो. मात दुसर्याक वाटोवप शक्य जावंक ना.
हे विशीं पुलीस आनी उजो पालोवपी दळाक म्हायती मेळ्ळे उपरांत ते घडणुके सुवातेर पावले. बुडिल्ल्या विद्यार्थ्याचो सोद सध्या घेतात. बुडिल्लो विद्यार्थी हो थळावो, जाल्यार हे चार जाण फोंडेंचे आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
