भांगरभूंय | प्रतिनिधी
मोपाचेर २३ तारखेर ओमानचें विमान पावलें उसरां
पणजी : इथिओपियांत ज्वालामुखीच्या उद्रेकाक लागून निर्माण जाल्लो विखारी गोबर मुखेल शारांतले हवेंत पातळ्ळ्यार ताचो परिणाम गोंयचे विमानसेवेचेर जावपाची शक्यताय आसा. हवेंतल्या गोबराक लागून २३ नोव्हेंबराक ओमानांतलें एक विमान अर्दें वर उसरां पाविल्लें, अशी म्हायती मोपा विमानतळाचे जनसंपर्क अधिकारी विक्रमसिंग तन्वेर हांणी दिली. दाबोळी विमानतळाचे विमानसेवेचेर मात आजूनय कसलोच परिणाम जावंक ना, अशी म्हायती विमानतळ संचालक धनंजय राव हांणी दिली.
विमानतळ वाठारांत हवेंत गोबर आसल्यार विमानांक उड्डाण करप शक्य ना. हवेंतलो गोबर पयस जाय मेरेन उड्डाणां थारोवचीं पडटा. मोपा विमानतळार येवपी विमानाच्या उड्डाणाक उशीर जाल्यार मोपाचेर विमान उसरांच पावतलें अशी म्हायती विक्रमसिंग तन्वीर हांणी दिली. आतां मेरेन हवेंतल्या गोबराक लागून मोपाचे विमानसेवेचेर परिणाम जावंक ना अशेंय तांणी सांगलें.
दाबोळी विमानतळार सगलीं विमानां नियोजीत वेळारूच पावल्यांत. विमानसेवेचेर कसलोच परिणाम जावंक ना. हवेंतलो गोबर खंय मेरेन पावतलो, हाचेर सगलें निंबून आशिल्ल्याचें धनंजय राव हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
