भांगरभूंय | प्रतिनिधी
इस्लामाबाद, खबरां संस्था: पाकिस्तानान सोमारा रातीं परत एक फावट अफगाणिस्तानांत हवाई हल्लो केलो. तालिबान प्रशासना प्रमाण, ह्या हल्ल्यांत १० सामान्य नागरिकांक मरण आयलें, जातूंत ९ भुरगीं आनी एक बायलेचो आसपाव आसा.
तालिबानचे प्रवक्ते जबीउल्लाह मुजाहिद हांणी, अफगाणिस्तानाच्या खोस्त प्रांतांतल्या एका घराचेर हल्लो केलो. तांणी म्हणलें, रातीं सुमार १२ वरांचेर पाकिस्तानी विमानांनी गरबज जिल्ह्यांतल्या मुगलगई वाठारांत एका घराचेर बॉम्ब हल्लो केलो. ह्या हल्ल्यांत ५ चले, ४ चलयो आनी एके बायलेक मरण आयलें आनी घर पुरायेन उध्वस्त जालें.
तालिबान म्हणयाऱ्यान अशेंय सांगलें, पाकिस्तानान कुनार आनी पक्तिका प्रांतांतूय बाॅम्ब घातले, जातूंत चार नागरीक जखमी जाले. हे घडणुकेचेर पाकिस्तानाच्या लश्कराकडल्यान आनी परराष्ट्र मंत्रालया कडल्यान आजूनय कसलीच प्रतिक्रिया मेळूंक ना.
पाकिस्तान स्वताय सुरक्षा आव्हानां कडेन झुंजता
हो हल्लो अशा वेळार जालो, जेन्ना पाकिस्तान स्वताच सुरक्षा आव्हानां कडेन झुजतालो. तातूंत सांजेवेळार पाकिस्तानाच्या पेशाचेर शारांत फ्रंटियर कॉन्स्टेब्युलरी मुख्यालयाचेर हल्लो जालो. हें मुख्यालय लश्करी छावणी क्षेत्रा लागसार आसा.
अहवाला प्रमाण, ह्या हल्ल्यांत दोन आत्मघाती हल्लेकारांचो आसपाव आशिल्लो. पयल्या हल्लो करप्यान गेटीचेर स्वताक ब्लास्ट केलो, जाल्यार दुसरो कॅम्पसांत घुसलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
