भांगरभूंय | प्रतिनिधी
मुंबय, खबरां संस्था: ज्येश्ठ अभिनेते धर्मेंद्रसिंह देवल हांणी ८९ व्या वर्सांचेर निमाणो स्वास घेतलो. फाटल्या कितल्याशाच दिसां सावन तांचेर घरांतूच उपचार सुरू आशिल्ले. धर्मेंद्र हांच्या मरणा विशीं लागींचे सोयरे आनी वेंचिक कलाकार सोडल्यार कोणाक अधिकृत म्हायती दिवंक नाशिल्ली. मात कांय कलाकारांनी ट्विट केल्ल्यान ही खबर खबरां चॅनलांक कळ्ळी. मरणा उपरांतअर्द वरांतूच तांचे कुडीचेर निमाणे संस्कार जाले. व्हडलो पूत सनी देओल हांणी मुखाग्नी दिलो.
धर्मेंद्र हांच्या जुहूच्या घरांत आयज सोमारा सुमार साडेबारा वरांचेर एक ऍम्बुलन्स पावली. फाटले कांय दीस धर्मेंद्र हांची अवस्था सामकीच नाजूक आशिल्ली. हाका लागून तांच्या घरां तांकां पळोवपाक सोयर्यांच्यो रांको लागिल्ल्यो. धर्मेंद्र हांच्यो धुवोय तांच्या जुहुच्या घरा पावलीं. हाचे मजगतीं, घरा भायर सुरक्षा वाडयली. तेन्ना विले पार्लेचे पवनहंस मसंडभूंयेंत हेमा मालिनी आनी ईशा देओल दिसलीं. ह्या वेळार घरचीं हेर मंडळी, अमिताभ, अभिषेक, सलमान खान, सलीम खान, संजय दत्त, आमीर खान आनी हेर कलाकार हाजीर आशिल्ले. अमिताभ बच्चन भावूक जाल्लो दिसलो.
सनी देओल हांणी तांच्या पार्थीवाचेर निमाणे संस्कार केले. स दसकां सिने मळार राज्य करपी बॉलिवूडचो ही-मॅन अनंतांत विलीन जालो.
१२ नोव्हेंबराक धर्मेंद्र हांकां तांच्या कुटुंबाचे मागणेवेल्यान ब्रीच कँडी हॉस्पिटलांतल्या डिस्चार्ज दिलो. तेन्ना सावन तांचेर घराच उपचार सुरू आशिल्ले. तेन्ना तांचे विशीं खुबश्यो वावड्यो पातळिल्ल्यो. तेन्ना देवल कुटुंबियांनी माध्यमांचेर तिडक उक्तायिल्ली. सनी हांणीय तांच्या घरा भायर रात दीस उबे रावपी फोटोग्राफरांक तापोवन काडिल्ले. तशेंच ईशा देओल, हेमा मालिनी हांणीय सोशल मीडियार पोस्ट करुन वावड्यांचेर विस्वास दवरचो न्हय म्हणून उलो मारिल्लो.
व्हॉयस नोट प्रदर्शीत
सोमारा, ‘इक्कीस’ चित्रपटांतल्या धर्मेंद्र हांच्या पात्राचो एक नवो मोशन पोस्टर प्रदर्शीत केलो. पोस्टरांत धर्मेंद्र हांच्या व्हॉयस नोटाचोय आसपाव आसा. तांचो आवाज आयकून चाहते भावूक जाल्ले.
इफ्फींत आर्गां
इफ्फींत आयज धर्मेंद्र हांच्या मरणाची खबर कळटकच तांकां आर्गां ओंपलीं.
धर्मेंद्र हांचे सिनेमा
१९६० तलो दिल भी तेरा हम भी तेरे हो तांचो पयलो गाजिल्लो सिनेमा. तांचे कांय सिनेमा सांगपाचे जाल्यार-
1998 प्यार किया तो डरना क्या
1996 रिटर्न ऑफ ज्वैलथीफ
1995 पापी देवता
1993 क्षत्रिय
1991 त्रिनेत्र
1991 फरिश्ते
1990 वीरू दादा
1990 नाकाबंदी
1990 हमसे ना टकराना
1990 प्यार का कर्ज़
1988 पाप को जला कर राख कर दूँगा
1988 खतरों के खिलाड़ी
1988 सोने पे सुहागा
1987 इंसाफ की पुकार
1987 लोहा
1987 वतन के रखवाले
1985 गुलामी
1984 राज तिलक
1984 सनी
1984 जागीर
1983 नौकर बीवी का
1983 जानी दोस्त
1983 रज़िया सुल्तान
1983 अंधा कानून
1982 मैं इन्तकाम लूँगी
1982 राजपूत
1982 तहलका
1981 क्रोधी
1981 नसीब
1980 द बर्निंग ट्रेन
1979 कर्तव्य
1978 आज़ाद
1978 शालीमार
1978 फंदेबाज़
1978 दिल्लगी
1977 धरम वीर
1977 किनारा
1977 ड्रीम गर्ल
1977 चरनदास
1977 चला मुरारी हीरो बनने
1976 चरस
1976 माँ
1976 बारूद
1975 शोले
1975 चुपके चुपके
1975 प्रतिज्ञा
1975 एक महल हो सपनों का
1974 इंटरनेशनल क्लॉक
1974 दुख भंजन तेरा नाम
1974 दोस्त
1974 पत्थर और पायल
1974 कुँवारा बाप
1973 यादों की बारात
1973 लोफर
1973 फागुन
1973 जुगनू
1973 झील के उस पार
1973 कीमत
1972 सीता और गीता
1972 राजा जानी
1972 समाधी
1971 गुड्डी
1971 नया ज़माना
1971 मेरा गाँव मेरा देश
1970 मेरा नाम जोकर
1969 सत्यकाम
1969 आया सावन झूम के
1968 शिकार
1968 मेरे हमदम मेरे दोस्त
1968 आँखें
1966 अनुपमा
1966 फूल और पत्थर
1966 आये दिन बहार के
1966 ममता
1965 आकाशदीप
1965 काजल
1963 बन्दिनी
1962 सूरत और सीरत
1962 शादी
1961 शोला और शबनम
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
