भांगरभूंय | प्रतिनिधी
थिवी : फोटीर, थियेच्या तिळारी जलसिंचन प्रकल्पांत फाटल्या एका वर्सा परस चड काळा सावन पुराय वेगान सुरू आसा. तिळारी कानालांतल्या उदकाची लागसारच्या व्हाळांत व्हडा प्रमाणांत वचून नासाडी जाता.
बर्याच काळा सावन सुरू आशिल्ले हे गळटेचेर गोंय तिळारी जलसिंचन विकास महामंडळ आनी उदका स्रोत खात्या कडल्यान आजूनय कसलेच तरेची दुरुस्ती वा तें सुदारपा खातीर कसलेच उपाय करूंक नात. बार्देस म्हालांतल्या खुबश्या भागांनी उदक नासता, तरी अशे तरेन उदकाची नासाडी जाता ही चिंता करपा सारकी गजाल, अशें थळावे म्हणटात.
थळाव्यांच्या दाव्या प्रमाण हे विशीं खुबशे फावटीं कागाळी केल्यो, तरी खंयच्याच अधिकार्यांनी वा उदकास्रोत खात्यानूय गळती आडावपाक कसलेच तरेचीं पावलां उबारूंक ना. एक वटेन उदक वाटयात असो उलो मारतात आनी दुसरे वटेन वर्सभर इतल्या व्हडा प्रमाणांत उदकाची नासाडी जावप, ही परिस्थिती प्रशासना कडेन हाचे कडेन पुरायेन आडनदर जाल्ल्याचें दाखयता.
तिळारीच्या उदकाचेर निंबून आशिल्ल्या शेतकारांच्या म्हणण्या प्रमाण, ह्या उदकाच्या नासाडीक लागून येवपी काळांत बार्देसांत उदकाचो उणाव आनीक वाडटलो. हाका लागून ही गळटी आडावन, बेगोबेग हीं सगलीं कामां करचीं आनी उदक वाटोवचें अशी मागणी सध्या जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
