भांगरभूंय | प्रतिनिधी
एरणाकुळम, विशाल खांडेपारकार : केरळांत २६ वें अखील भारतीय कोंकणी साहित्य संमेलनांत आयज कवी के. अनंत भट माचयेर साबार साहित्यिकांनी साहित्य सादरीकरण केलें.
समाजाचें ईसीजी म्हणल्यार साहित्य. मनां आनी काळजां जोडपाचें काम साहित्य करता. आयज हांव कोंकणी मनशाक पळोवन खोशी जालों. कोंकणी खूब गोड भाशा अशें नामनेचे कन्नड कवी, पटकथाकार जयंत कायकिणी हांणी सांगलें.
सुरवातेक चेतन आचार्य हांणी येवकार दिवन मानेस्तांची वळख केली. माधव बोरकार (कविता), डॉ. जयंती नायक (कथा), शरतचंद्र शेणय (कविता), गोकुलदास प्रभु (कथा), आर. एस. भास्कर (कविता), मेल्विन रॉड्रिगस (कथा),सूर्या अशोक (कविता) , गोकुळदास प्रभु हे अध्यक्ष सुवातेर आशिल्ले. निमाणें कवी जयंत कायकिणी हांणी आपल्यो कविता सादर केल्यो.
साहित्य सादरीकरण कार्यावळ
संमेलनांत आनीक एक साहित्य सादरीकरण आयोजीत केलें. सुरवातेक संयोजक आकाश गांवकार हांणी येवकार दिवन सुत्रसंचालन केलें.
लेखक चंद्रबाबू शेट्टी यादस्तींकां दिवन साहित्यिकाचो भोवमान केलो. कमलाकर म्हाळशी, भिकू बोमी नायक, वामन टाकेकार, विवेक पिसुर्लेकार, किरण म्हांबरे, विठ्ठल आवंदीयेकार, उषा कामत, रत्नमाला दिवकार, विल्सन कटील, प्रशांती तळपणकार, विनायक गोवेकार, उदय गुडे, मिलींद भरणे, सरस्वती नायक, पंढरीनाथ सुरसुरे आदी गोंय, केरळा, मंगळूर, महाराष्ट्र साहित्यकारांनी साहित्य सादरीकरणांत वांटो घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
