भांगरभूंय | प्रतिनिधी
नवी दिल्ली, खबरां संस्था: दिल्ली पुलिसांच्या गुन्यांव फांट्यान पाकिस्तानाची गुप्तचर एजन्सी आयएसआय कडेन संबंदीत आंतरराष्ट्रीय शस्त्र तस्करी जाळें उक्तें केलां. पुलिसांनी चार तस्करांक अटक करून तांचे कडल्यान परदेशांत तयार केल्लीं १० पिस्तुलां आनी ९२ काडतुसां जप्त केल्यात. हातूंत ३ तुर्की बनावटीचे पीएक्स-५.७ पिस्तूल, पांच चिनी बनावटीचे पीएक्स-३ पिस्तुलांचो आसपाव आसा. हीं पिस्तुलां विशेश दलां वरवीं वापरपी उच्च दर्जाचे मॉडेल आसात.
हें नेटवर्क उत्तर भारतांतले खुबश्या टोळयांक प्रगत शस्त्रांची पुरवण करतात. हें मॉड्यूल ड्रोना वरवीं पाकिस्तानांतल्यान भारतांत शस्त्रां पावयताले. कस्टमायज्ड ड्रोन रातचे पंजाब शिमेर संवेदनशील भागांत उणे उंचायेर उडत जीपीएस स्टेशनांचेर पॅकेजेस उडयताले. स्कॅनिंगपसून वाटावपाक पॅकेजीस कार्बन- लेपीत मटेरियलांत गुठलायिल्ले आशिल्ले. थळावे रिसीव्हर्स पॅकेजीस उखलतात. थंयच्या ते दिल्ली, हरियाणा, उत्तर प्रदेश आनी पंजाबच्या टोळयांक दिताले. हें मॉड्यूल एन्क्रिप्टेड कम्युनिकेशन ऍप्सा वरवीं संपर्क करताले.
कोचीन शिपयार्डची गुपीत म्हायती आयएसआयक दिवपी उत्तर प्रदेशांतल्या दोगांक अटक
उडुपी : कर्नाटकांतल्या उडुपी पुलिसांनी कोचीन शिपयार्ड कडेनी संबंदीत संवेदनशील म्हायती पाकिस्तानी गुप्तचर संस्था आयएसआयक दिल्ल्याच्या आरोपा खाला रोहित (२९) आनी संत्री (३७) हांकां अटक केली. ते उत्तर प्रदेशांतल्या सुलतानपुरचे. सुषमा मरीन प्रायव्हेट लिमिटेडांत इन्सुलेटर म्हणून काम करपी आनी आदीं केरळांतल्या कोचीन शिपयार्डांत काम करपी रोहित, व्हॉट्सपा वरवीं भारतीय नौदळाच्या जहाजांचे नंबर आनी हेर गुपीत म्हायती शेअर करता असो आरोप आसा. मालप्यां तैनाती उपरांतूय तो कोचीच्या एका इश्ट कडल्यान म्हायती मेळयत रावलो आनी ती एका मनशाक धाडीत रावलो. शिपयार्डच्या सीईआचे कागाळी वेल्यान गुन्यांव नोंद करीत दोगांक ३ डिसेंबर मेरेन न्यायालयीन बंदखण दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
