भांगरभूंय | प्रतिनिधी
मडगांवः आतां फकत 1000 रुपयाचें देणगी कूपन घेवन करोडपती जावपाची संद तुमकां मेळटा. थ्री किंग उत्सवाचे फाटभूंयेर चांदर मावंट युथ असोसिएशनान भांगरा उत्सवी वर्सा निमतान सोर्तीचेर 1 कोटींचें पयलें इनाम जाहीर केलां. सोशल मिडिया वरवीं ही जायरात लोकां मेरेन पावपाचो संघटणेचो यत्न आसा.
हाका लागून नागरिकांक फकत एक हजार रुपयाच्या देणगी कूपनाचेर एक कोटी रुपया जिखपाची संद मेळटली. एक कोटी रुपयाच्या पयल्या इनामा वांगडाच 10 लाख रुपयांचीं धा इनामां जिखपाची संद आसा, देखून आनीक धा कूपनधारकांक हे येवजणे वरवीं लखपती जावपाची संद मेळटली.
आयतार 23 नोव्हेंबराक चांदर पंचायत सभाघरांत सकाळीं 9 क सोर्ती विकपाक सुरवात जातली. आनी 6 जानेवारीक निकाल जाहीर जातलो. निकालाची कार्यावळ युट्युबाचेर लायव्ह आसतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
