भांगरभूंय | प्रतिनिधी
पणजी: अखिल भारत नागरी सेवा सांस्कृतीक आनी खेळां मंडळा वतीन बिहार सचिवालय खेळां फांवडेशन, बिहार हांच्या जोड पालवान पाटलीपुत्र खेळां प्रकल्प, कांकराबाग, पाटणा हांगा १३ ते १५ डिसेंबर मेरेन अखिल भारत नागरी सेवा एथलेटिक सर्तींचे आयोजन करतले.
ह्या खेळां सर्तींत गोंय राज्याचे प्रतिनिधीत्व करपाक गोंय राज्य नागरी सेवा एथलॅटीक पंगड निवडपा खातीर खेळां आनी युवा वेव्हार खात्यान २२ नोव्हेंबर दिसा सांजेच्या २ वरांचेर पेडें खेळां प्रकल्प, म्हापश्यां निवड चाचणी आयोजीत केल्या.
सरकारी खात्यांचे नियमीत कर्मचारी आशिल्ल्या इत्सुक खेळगड्यांनी खात्याच्या मुखेल्यान सय केल्लें वळखपत्र आनी खेळपाच्या सामाना सयत निवड चाचणेच्या थळार प्रकाश सतरकार ९८२३२६९०८८ (येवजण मुखेली) आनी शशि कुमार- ९८९०३६१२२६१ (एथलॅटीक प्रशिक्षक) हांचे कडेन संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
