भांगरभूंय | प्रतिनिधी
पैंगीण : श्रीसंस्थान पर्तगाळी जिवोत्तम मठाच्या ५५० व्या सार्ध पंचशताब्दी निमतान २७ नोव्हेंबर ते ७ डिसेंबर मजगतीं विवीध धर्मीक आनी सांस्कृतीक कार्यावळी आयोजीत केल्यात. हे कार्यावळीचो एक भाग म्हणून ३ डिसेंबराक सांजेवेळार ७.३० वरांचेर काणकोणचे पूत, गायक कलाकार डॉ. प्रवीण गांवकार आनी वांगडी कलाकारांची ‘स्वर झंकार’ ही प्रभूश्रीराम आनी वीर विठ्ठल दर्शनाचे अनुभूती कडेन व्हरपी मराठी आनी हिंदी भक्तीगीतांची कार्यावळ जातली.
हे कार्यावळींत डॉ. गांवकार आनी तांचे ७६ सहकारी कलाकार वांटेकार जातले. एके कडेन ७७ फूट उंचीची व्हड आनी आकर्शक श्रीप्रभू रामाची मुर्ती हांगा उबारल्या. तेन्नाच काणकोणचे पूत डॉ. प्रवीण गांवकार ७६ कलाकारांच्या गटा सयत कार्यावळ सादर करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
