भांगरभूंय | प्रतिनिधी
वास्को : बायणा, वास्को सशस्त्र दरोडो घातलो. चामुंडी आर्केड इमारतीचे सातवे माळयेर शस्त्रां, रॉड घेवन एका कुटुंबाचेर हल्लो केलो. हातूंत सागर नायक, ताची बायल आनी धूव जखमी जालीं. सागर हाका गंभीर दुखापत जाल्ल्यान ताका हॉस्पिटलांत दाखल केला. सात जाणांनी मेळून हो दरोडो घातलो. भांगर आनी रोख रक्कम घेवन अनवळखी दरोडो घालप्यांनी थंयच्यान पळ काडली.
दरोड्याची म्हायती मेळटांच वास्को पुलीस घडणुके सुवातेर पावले. उपअधीक्षक गुरुदास कदम, दक्षीण गों जिल्लो पुलीस अधीक्षक टिकम सिंग वर्मा घडणुके सुवातेर दाखल जाले. विवीध पुलीस स्टेशनांतले पंगडूय घडणुके सुवातेर दाखल जाल्यात. ह्या प्रकरणांत पुलीस फुडलो तपास करतात.
पुलिसांनी सुण्यांचो पंगड, ठशे तज्ञांक आपोवन तपास केलो. हे विशीं म्हायती दितना दक्षीण गोंय जिल्लो पुलीस अधीक्षक टिकम सिंग वर्मा हांणी, काल रातीं वयलो दरोडो घातलो. दरोडेकारांनी केल्ल्या हल्ल्यांत कुटुंबीय जखमी जाल्यात. ह्या प्रकरणांत अदीक तपास सुरू आशिल्ल्यान, तपास पुराय जाले उपरांत अदीक म्हायती दिवप शक्य जातलें अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
