भांगरभूंय | प्रतिनिधी
मारपेट करून ५० हजार लुटले
शिवमोग्गा, खबरां संस्था: कर्नाटकांत शिवमोग्गांत एका तरणाट्याचेर धर्म विचारले उपरांत मारपेट करून लुटमार केल्ल्याची गंभीर घडणूक मुखार आयली. ही घडणूक शेनवारा रातीं उसरां घडली.
FIR प्रमाण, पिडेस्त तरणाटो हरीश रातच्या सुमार ११.१५ वरांचेर पार्टी कसाना, सॅकन्ड क्रॉसा लागसारच्यान वतना चार जाणांनी तांकां आडयले आनी विचारलें, ‘तूं मुस्लीम काय हिंदू?’
हरीशान ‘हांव हिंदू’ अशी जाप दितांच आरोपींनी ताच्या दोळ्यांचेर आनी नाकार नेटान वार केलो. उपरांत ताच्या बोल्सांतल्यान ५० हजार रुपया बळयां काडून घेतले. तशेंच भांगराची मुदी काडपाची धमकी दित सुरो दाखयलो.
मारपेटींतल्यान सुटका करून हरीश पळून वचपाचो यत्न करतना आरोपींनी ताचो फाटलाव करून परत हल्लो केलो. इतल्यान एक बायक चालक थंयच्यान आयिल्ल्यान आरोप्यांनी थंयच्यान पळ काडलो.
घडणुके उपरांत हरीशान दोन हॉस्पिटलांनी उपचार घेतले आनी भंयान दोन दीस घराच रावले उपरांत १७ नोव्हेंबराक तांणी पुलिसां कडेन कागाळ दाखल केली. पुलिसांनी गुन्यांव नोंद करून तपास सुरू केला.
ह्या प्रकरणा उपरांत, शिवमोग्गा विधानसभा क्षेत्राचे आमदार एस.एन. चन्नबसप्पा हांणी पिडेस्ता वांगडा दड्डापेटे पुलीस स्टेशनांत भेट दिवन पुलीस प्रशासनाचेर खर टिका केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
