भांगरभूंय | प्रतिनिधी
पुजा नायका आड संबंदीत पुलीस स्टेशनार कागाळ करात: मुख्यमंत्री
दिवचल: कॅश फॉर जॉब प्रकरणांत फटयिल्ल्या कांय लोकांनी आयज सांखळेच्या रवींद्र भवनांत मुख्यमंत्री डॉ. प्रमोद सावंत हांची भेट घेतली. ह्या वेळार तांणी आपलें दुख्ख मुख्यमंत्र्या सामकार मांडलें.
फटयिल्ल्या लोकांचें आयकले उपरांत मुख्यमंत्र्यांनी तांकां सल्लो दिलो, पुजा नायका आड तुमचे कडेन जे कितें पुरावे आसात ते सगले घेवन संबंदीत पुलीस स्टेशनाचेर कागाळ दाखल करात.
सध्या ह्या कॅश फॉर जॉब प्रकरणाची चवकशी क्रायम ब्रँच करता. बेगीनूच निकाल येवपाची शक्यताय आसा. निकाला उपरांत तुमचीं सगलीं आडमेळीं पयस जातलीं, अशें आस्वासन डॉ. सावंत हांणी दिलें.
मुख्यमंत्र्यांची भेट घतले उपरांत पत्रकारां कडलेन उलयतना फटवणूक जाल्ल्यांनी सांगलें,आमी कश्ट करून जोडिल्ले पयशे आशेन पुजा नायकाक दिल्ले. मात ताणें आमचो विस्वासघात केलो. आजूनय आमकां एकूय रुपया परत मेळूंक ना. निमाणो दुसरो कांयच पर्याय नाशिल्ल्यान आमी मुख्यमंत्र्यांची भेट घेतली. तांणी आमकां न्याय मेळोवन दिवपाचें आस्वासन दिलां अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
