भांगरभूंय | प्रतिनिधी
ग्वाल्हेर, खबरां संस्था: ग्वाल्हेर, एका वेगान येवपी फॉर्च्युनर गाडयेचो ट्रॅक्टर-ट्रॉलीचेर धपको बसून फॉर्च्युनरांतल्या पांचूय जाणांक जाग्यारूच मरण आयलें. गाडी ट्रॉली पोंदा चिड्डली, हाका लागून एकूय प्रवासी जिवो उरूंक ना.
आयतारा सकाळीं ५:३० ते ६ च्या मजगतीं शारापसून पुर्वेक आशिल्ल्या ग्वाल्हेर-झाशी महामार्गार हो अपघात जालो. मरण आयिल्ले सगले ग्वाल्हेरचे. ते उत्तर प्रदेशांतल्या झाशीच्यान एके कार्यावळींतल्यान फॉर्च्युनर गाडयेंत ग्वाल्हेर परतताले. गाडी मालवा कॉलेज लागसार पावतांच रेंवीन भरिल्लो ट्रक वॉल्तार आयलो. वेग चड आशिल्ल्यान चालकाचें गाडयेवेल्यान नियंत्रण आनी ती फाटल्यानच्यान ट्रॉलीक आदळ्ळी.
मरण आयिल्ल्यो कुडी, गाडी ट्रॉलरींत आडकून उरली. पुलीस आनी थळाव्यांनी कटराचे मजतीन गाडी कापून तातुंतल्यो कुडी भायर काडल्यो.
आदित्य जादोन, राम पुरोहित, क्षितिज उर्फ प्रिन्स राजावत, कौशलेंद्र भदोरिया आनी अभिमन्यू सिंग अशीं मरण आयिल्ल्याचीं नांवां आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
