भांगरभूंय | प्रतिनिधी
श्रीनगर, खबरां संस्था: जम्मू-काश्मीरांतल्या श्रीनगरांतल्या नौगाम पुलीस स्टेशनांत शुक्रारा रातीं भिरांकूळ स्फोट जालो. हातूंत 9 जाणांक मरण आयलें. जाल्यार 25 वयर जखमी जाल्यात. तांचेर हॉस्पिटलांत उपचार सुरु आसात.
फरीदाबाद आतंकवादी मॉड्यूल प्रकरणांत जप्त केल्ल्या स्फोटक सांठ्यांतल्यान अधिकारी नमुने घेतना हो स्फोट जालो.
सुत्रांनी दिल्ले म्हायती प्रमाण, जायते जाण गंभीर जखमी आसात. तशेंच कांय जाण अजून बेपत्ता आसात. तांचो सोद सुरू आसा. हाका लागून मरण आयिल्ल्यांचो आंकडो वाडपाची शक्यताय आसा. घडणुकेच्या सुवाते सावन 300 फूट अंतराचेर कूडी मेळ्ळ्यात. हाचे वयल्यान स्फोट कितलो भिरांकूळ आनी व्हड आशिल्लो ते कळटा.
श्रीनगराचे उपायुक्त अक्षय लाब्रू हॉस्पिटलांत वचून जखमींक मेळ्ळे. जखमी जाल्ल्या मदीं जायते पुलीस अधिकारी आसात. हो वाठार सील केला. फुडलो तपास सुरु आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
