भांगरभूंय | प्रतिनिधी
म्हापशें: हळदोणा दुचाकी चोरी प्रकरणांत म्हापशें पुलिसांनी मारीयो डायस (१९, रा. पोडवाळ खोर्जुवें) ह्या दुबावीत तरणाट्याक अटक केली.
ही चोरीची घडणूक मंगळारा ११ तारखीर सकाळीं सुमार ६.१५ वरांचेर घडिल्ली. कागाळदार बायलेच्या घरा सामकार पार्क केल्ली जीए ०३ एक्यू ८१०० नंबराची स्कुटर अनवळख्यान चोरून व्हेली. हे चोरयेचो प्रकार घराचे सीसीटीव्ही फुटेजींत आयिल्लो.
ह्या प्रकरणांत फिर्यादींनी म्हापशें पुलिशेंत कागाळ नोंद केली. पुलिसांनी सीसीटीव्ही फुटेजीच्या आदारार दुबाविताक वळखून रातची ताका अटक केली. तशेंच दुचाकी जप्त केली.
मजगतीं, दुबावीत मारीयो डायस हो भुरगेपणा सावन चोरयो करतालो. हाका लागून ताका बाल सुधारघरांत धाडिल्लो. थंयच्यान सुटून दुबावीत परत चोरयेच्या गुन्यांवांत गुंथलो. हें वयर सांगिल्ले चोरयेच्या प्रकरणांतल्यान समजता. हे विशीं फुडलो तपास पुलीस सहाय्यक उपनिरीक्षक अजय गांवकार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
