भांगरभूंय | प्रतिनिधी
पणजी : दिल्लीच्या लाल किल्लो वाठारांत जाल्ल्या भिरांकूळ स्फोटा उपरांत गोंयांत ‘हाय अलर्ट’ जारी केला. पुलिसांनी संवेदनशील वाठारांत आनी शिमेवेल्या सुवातांचेर तपासणी आनी गस्त वाडयल्या. एकेच रातीक हजारां परस चड लोकांची आनी १ हजारां परस वाहनांची तपासणी केल्या.
मुख्यमंत्री डॉ. प्रमोद सावंत हांणी मंगळारा पत्रकारांक सांगिल्लें, स्फोटा उपरांत राज्यांत खबरदारीची पावलां उखल्ल्यांत. दिल्ली स्फोटा उपरांत खबरदारीचे उपाय हातांत घेतल्यात.
१० नोव्हेंबराक दिल्लीक जाल्ल्या स्फोटा उपरांत गोंय पुलिसांनी राज्यांत व्यापक तपासणी मोहीम सुरू केली. तातूंत एकेच राती २ हजारां परस चड लोकांची आनी १ हजारां परस अदीक वाहनांची तपासणी केली. शिमेवेल्यो चौक्यो, रेल्वे स्टेशनां आनी मुखेल जंक्शनाचेर सुरक्षा तपासणी केली, तशेंच नाकाबंदी केली.
पुलीस अधीक्षक, उपअधीक्षक आनी पुलीस निरीक्षकां सयत सगले वरीश्ठ पुलीस अधिकारी हे मोहिमेंत वाटेकार जाल्ले. तांकां खर दक्षता दवरपाचे निर्देश दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
