भांगरभूंय | प्रतिनिधी
विजापूर, खबरां संस्था: छत्तीसगढ- महाराष्ट्र शिमेर आशिल्ल्या बिजापूर जिल्ह्यांत तीन बायलां सयत स नक्षलवाद्यांक जवानांनी सोंपयले. तशेंच थंयच्यान शस्त्रांय जप्त केलीं. एका मुखेल नक्षलवादी फुडार्याक घेराव घाल्ल्याची खबर आसा. ही फारपेट राष्ट्रीय उद्यान वाठारांत जाली.
खबरे प्रमाण, विजापूर स्पेशल पुलीस डायरेक्टरेट ऑफ पुलीस, दंतेवाडा स्पेशल डायरेक्टरेट ऑफ पुलीस आनी स्पेशल टास्क फोर्स हांच्या जोड पंगडान हो फारपेट घडोवन हाडलो. विजापूरचे पुलीस अधीक्षक डॉ. जितेंद्र यादव हांणी सांगलें, INSAS रायफल, स्टेनगन, ३०३ रायफल, स्फोटके आनी सामान जप्त केलां.
मजगतीं, बस्तर रेंजचे आयजी सुंदरराज पी. हांणी सांगलें, सुरक्षा दळां खातीर ही एक म्हत्वाची गजाल. हें येस अश्या वेळार मेळ्ळां जेन्ना माओवादी संघटना नेतृत्वहीन, दिशाहीन आनी उबगल्या, तिच्या कांय उरिल्ल्या तळां पुरती मर्यादीत आसा.
मजगतीं, छत्तीसगड- तेलंगणा सीमेवेल्या तारलागुड वाठारांतल्या अन्नाराम रानांतूय पुलीस आनी नक्षलवाद्यां मदीं फारपेट जालो. सोद मोहिमे मजगतीं, फारपेटीचे सुवातेर एका जखमी नक्षलवाद्याक ताब्यांत घेतलो. ताची चवकशी सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
