भांगरभूंय | प्रतिनिधी
पणजी: पतंजली योगपिठाचे सरचिटणीस आचार्य बालकृष्ण हांणी उत्तराखंडांतल्या मुखेल विद्यापिठांतल्या यूपीईएस (युनिव्हर्सिटी ऑफ पेट्रोलियम अॅण्ड एनर्जी स्टडीज) हांगाच्या स्कूल ऑफ बिझनेसाच्या 23व्या दीक्षांत सुवाळ्यांत मुखेल सोयरे म्हूण हाजीर रावले. तांच्या उत्कृश्ट कामगिरी खातीर तांकां सगल्यांत उंचेली शिक्षणीक पदवी डॉक्टर ऑफ फिलॉसॉफी दिवन तांकां भोवमानीत केले. सुवाळ्याच्या थळार पावतकच आचार्य बालकृष्ण हांकां यूपीईएस वेवस्थापन, विद्यार्थी आनी प्राध्यापकांनी येवकार दिलो.
ह्या वेळार विद्यार्थ्यांक संबोधीत करतना आचार्यजी हांणी सांगलें, सेवेंतलें सातत्य, सेवेक समर्पण, सेवेंत वांटो घेवप ही आमचीं शक्त. पूज्य स्वामीजीच्या फुडारपणा खाला लाखांनी पतंजली भाव-भयणींची जिद्द आनी कश्टान संवसारभर सेवा उपक्रमांक मूर्त रूप दीत आसा. अशे भोवमान आमकां आमच्या सेवा यत्नांक आनीकय चड निर्धारान फुडें व्हरपाची प्रेरणा दिता अशें तांणी म्हणलें.
हे कार्यावळींत यूपीईएसचे कुलगुरू डॉ. राम शर्मा हांणी आचार्यजीं च्या समर्पणाचें आनी मानवतेच्या सेवेंतल्या निसुवार्थी योगदानाची तोखणाय केली. तांणी सांगलें, तांचे कडल्यान प्रेरणा घेवन पदवीधर विद्यार्थ्यांक तांच्या जिणेचो एक नवो पांवडो नवे उर्जेन सुरू करपाची प्रेरणा मेळ्ळी. तांणी आचार्यजींच्या फुडारपणा खाला, पतंजली मॉडेल देशांतलें एक आघाडीचें वेवसाय मॉडेल जालां. भारतीय परंपरे प्रमाण, पतंजली मॉडेल गिरायकांचो विस्वास आनीक घटमूट करता. देशांतेल नामनेचे उद्देजक पतंजली मॉडेला पसून प्रेरणा घेत आसात.
ह्या सन्माना खातीर आचार्यजीन विद्यापिठाचे कुलगुरू डॉ. सुनील रॉय, कुलगुरू डॉ. राम शर्मा, प्रो. कुलगुरू डॉ. जयशंकर, रजिस्ट्रार प्रो. मनीष मदन, शाळा वेवसाय संचालक प्रा. राहुल नैनवाल, संशोधन डीन डॉ. अश्विनी नंगिया, एमडी, श्लुमबर्गर, ललीत अग्रवाल, शिक्षणीक मंडळ आनी शासन मंडळाचे वांगडी, आनी सगल्या विद्यार्थ्यांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
